حربِ فجار
حربِ فجار زمانہ جاہلیت دی ہک مشہور لڑائی ہئی جیڑھی 15 عام الفیل (یعنی عام الفیل توں 15 سال بعد) وِچ قریش تے بنی قیس دے درمیان تھئی۔ ایہہ لڑائی اُنہیں ݙیہاریاں وِچ تھئی جِیندے وِچ لڑݨ منع ہئی، اِیں واسطے اینکوں حربِ فجار آکھیا ویندے۔ ایہہ لڑائی ماہِ محرم وِچ تھئی۔
وجہ:
[لکھو | ماخذ وچ تبدیلی کرو]اِیں جنگ دی وجہ ایہہ ہئی کہ نعمان بن منذر، شاہِ حیرہ، ہر سال اپݨا تجارتی مال بازارِ عکاظ وِچ ویچݨ کیتے بھیڄیندے ہَن۔
آنحضرت صلی اللہ علیہ و آلہ وسلم دی شرکت:
[لکھو | ماخذ وچ تبدیلی کرو]اِیں جنگ وِچ آنحضرت صلی اللہ علیہ و آلہ وسلم وی شریک تھئے۔ بھانویں جو قریش سچ تے ہَن پر آپؐ نے کشت و خون وِچ حصہ نہ گِھدا۔ صرف دُشمن دے سٹے ہوئے تیر چُݨ چُݨ کے اپݨے چاچیاں کوں ݙیندے ہَن۔
صلح تے حلف الفضول:
[لکھو | ماخذ وچ تبدیلی کرو]آخر کار ایہ جنگ صلح تے مُکی۔ آپس وِچ ایہ معاہدہ تھیا کہ مُلک وِچ ہر طرحاں امن قائم رکھا ویسی تے مُسافراں، غریباں تے مظلوماں دی مدد کیتی ویسی، بھانویں او کہیں وی قبیلے نال تعلق رکھدے ہون۔ رسول پاکؐ عہدِ رسالت وِچ وی اِیں معاہدے تے فخر کریندے ہَن تے فرمیندے ہَن کہ اِیں قسم دے معاہدے کیتے میں ہُݨ وی تیار ہاں۔ اِیں معاہدے دا ناں "حلف الفضول" رکھا گیا۔ کیوں جو معاہدے تے تیار کرݨ والے تِن سرداراں دے ناواں وِچ لفظ "فضل" مشترک ہئی۔
حربِ فجار دی اہمیت:
[لکھو | ماخذ وچ تبدیلی کرو]حربِ فجار زمانہ جاہلیت دی جنگاں وِچ سب توں زیادہ مشہور لڑائی سمجھی ویندی ہے۔ روایت ہے کہ حربِ فجار دی تعداد چار ہے تے ایہہ لڑائی جِیندے وِچ آنحضرت صلی اللہ علیہ و آلہ وسلم نے شرکت کیتی چوتھی تے آخری ہئی۔ ایہہ آنحضرت صلی اللہ علیہ و آلہ وسلم دی ابتدائی زندگی دی پہلی جنگ ہئی جِیندے وِچ آپؐ نے شرکت کیتی ہئی۔
تفصیل:
[لکھو | ماخذ وچ تبدیلی کرو]جݙاں حضرت محمد صلی اللہ علیہ وسلم دی عمر پندرہ سال تھئی تاں ماہِ محرم دے مہینے وِچ عکاظ دے بازار وِچ ہک لڑائی تھئی جِیندے وِچ ہک پاسے قریش تے کنانہ دے قبیلے ہَن تے ݙوجھے پاسے قیس عیلان دے قبیلے ہَن۔ ݙوہاں وِچ گھمسان دی جنگ تھئی تے ݙوہاں پاسیاں دے کئی کئی بندے ماریے ڳئے۔ ول انہیں صلح کیتی کہ ݙوہاں فریقاں دے مُردے ڳݨے ویسن، جیندے زیادہ مقتول ہوسن اُنہیں کوں بدلے وِچ زیادہ خون بہا ݙتا ویسی۔ اِیندے بعد جنگ مُک ڳئی تے آپسی ویر مِٹا ݙتا گیا۔
حضرت محمد صلی اللہ علیہ وسلم اِیں جنگ وِچ اپݨے چاچیاں دے نال ہَن تے آپؐ دُشمناں دی طرفوں آوݨ والے تیر کٹھے کریندے ہَن۔ اِیں جنگ کوں جنگِ فجار اِیں واسطے آکھیا گیا کیوں جو ایہہ جنگ محترم مہینیاں وِچ تھئی ہئی۔ فجار ناں دے واقعات چار واری پیش آئے تے مذکورہ واقعہ چوتھا واقعہ ہے، اِیندے توں پہلے جیڑھے تِن واقعات تھئے ہَن او چھوٹے چھوٹے واقعات ہَن، اُنہیں وِچ سب توں وݙی لڑائی چوتھی ہئی جیڑھی ذکر کیتی ڳئی ہے۔