حجاب امتیاز علی

حجاب امتیاز علی
ڄمّݨ دی تریخ تے جاء	حجاب اسماعیل 4 نومبر 1908(1908-11-04)ء حیدرآباد، ہندوستان
فوتڳی دی تاریخ تے جاء	19 مارچ 1999(1999-03-19)ء لاہور، پاکستان
قلمی ناں	حجاب
کَم کار	مصنف
ٻولی	اردو
قومیت	پاکستانی
نسل	مہاجر قوم
اصناف	افسانہ، ناول
مہان٘درا کَم	ظالم محبت وہ بہاریں یہ خزائیں کالی حولی اور دوسری کہانیاں پاگل خانہ میری ناتمام محبت
اہم اعزازات	ستارۂ امتیاز آدم جی ادبی انعام

حجاب امتیاز علی (اردو: حجاب امتیاز علی، کنوں) (ڄمّݨ دی تریخ: 4 نومبر 1908ء – فوتڳی: 19 مارچ 1999ء) پاکستان دی اردو ٻولی دی مہان٘دری افسانہ نگار اَتے ناول نگار ہَن جہڑی آپݨی رومانی تحریراں دی وجہ کنوں مشہور تے مقبول تھئی۔

حیاتی دا احوال

ڄَمّݨ اَتے ٹبّر دا احوال

حجاب امتیاز علی نے 4 نومبر 1908ء وِچ حیدر آباد دکن، ہندوستان، دے ہِک مقتدر اَتے مہذب ٹَٻّر وِچ اَکھ کھولی۔ انّھاں دے پِیؤ سیّد محمد اسماعیل نظام حیدر آباد دے پہلے سیکرٹری ہَن۔ حجاب نے عربی، فارسی، اردو اَتے موسیقی دی تعلیم گھروں ای گِھدّی۔ انّھاں دا ناول زہرہ بیگم مقبول تِھیا اَتے فلسفیانہ مقالیاں دا مجموعہ گُلِ صحراء انّھاں دی قابل قدر یادگار ہِے۔

شادی

حجاب دی شادی 1935ء وِچ ڈراما انار کلی دے مصنف امتیاز علی تاج نال تھئی۔ نکاح کنوں قبل حجاب دا ناں حجاب اسماعیل ہَئی، جہڑی بعد وِچ حجاب امتیاز علی مشہور تھی ڳئی۔

پہلی مسلم زنانی پائلٹ

حجاب نے 1936ء وِچ ناردرن لاہور فلائنگ کلب کنوں ہوا بازی دی سند گِھدّی اَتے برٹش گورنمنٹ دی اُوہ پہلی زنانی پائلٹ اکھوائی۔

تصنیفاں

ناول

• ظالم محبت
• اندھیرا خواب
• پاگل خانہ

افسانوی مجموعے

• وہ بہاریں یہ خزائیں
• میری ناتمام محبت
• احتیاط عشق
• ممی خانہ
• تحفے اور شگوفے
• صنوبر کے سائے اور دوسرے رومان

آپ بیتی

• تصویرِ بتاں

ڈائری

• لیل و نہار

ٻولی وٹارے

• ننھی بیبیاں

اعزازات

حجاب امتیاز علی دے اَخِیرلے ناول پاگل خانہ کوں آدم جی ادبی ایوارڈ نال نوازیا ڳِیا اَتے حکومت پاکستان نے انّھاں دی بہترین ادبی خذمتاں دے اعتراف وِچ انّھاں کوں ستارۂ امتیاز نال نوازیا۔

فوتڳی

19 مارچ 1999ء کوں حجاب امتیاز علی لاہور، پاکستان وِچ فوت تھی ڳئی۔ اُوہ لاہور وِچ مومن پورہ دے قبرستان وِچ پُوری ڳئی۔