حبیب احمد اعمیٰ
مولانا حافظ حبیب احمد اعمیٰ (1915-2001) بہرائچ دی ہک اہم علمی شخصیت ہن۔ او جامعہ مسعودیہ نورا لعلوم دے پہلے طالب علم تے پراݨے استاد ہن۔ انہاں ناظرہ قرآن تے حفظ کلام اللہ دی تعلیم حافظ عبد الخالق تے الحاج حافظ عبد الحمید توں حاصل کیتی۔ بعد وچ جامعہ مسعودیہ نورا لعلوم وچ مولانا محفوظ الرحمن نامی، مولانا سید حمید الدین تے مولانا محمد سلامت اللہ صاحبؒ توں تعلیم حاصل کیتی۔ 1938ء وچ فارغ التحصیل تھی کے او جامعہ مسعودیہ نورا لعلوم دے پہلے فضلاء وچ شامل تھئے تے "حافظ اعمیٰ صاحب" دے ناں نال مشہور تھئے۔[١]
مولانا حافظ حبیب احمد، مولانا محفوظ الرحمن نامیؒ دے چہیتے شاگرد ہن۔ او فراغت دے بعد کجھ ݙینہہ کرتپور بجنور تے علاقہ بانس وستی ضلع بہرائچ وچ پڑھیندے رہے۔ 1940ء وچ مولانا محفوظ الرحمن نامیؒ نے انہاں کوں جامعہ نورا لعلوم دا استاد مقرر فرما ݙتا۔ انہاں 60 سال تائیں اتھاں پڑھایا۔ حافظ صاحب نور العلوم دی تعلیمی ترقی وچ ٻہوں اہم کردار ادا کیتا۔ او ذہین، حافظے دے تیز تے کامیاب استاد ہن۔ او فارسی ادب، صرف تے منطق دے امام ہن۔
انہاں دے شاگرداں وچ مولانا محمد افتخار الحق صاحب قاسمیؔ، مولانا حیات اللہ صاحب قاسمیؔ، مولانا سید رشید الدین صاحب حمیدیؒ تے مولانا مجیب اللہ صاحب قاسمیؔ گونڈوی شامل ہن۔
مولانا حافظ حبیب احمد اعمیٰ دا انتقال 30 جون 2001ء کوں 86 سال دی عمر وچ بہرائچ وچ تھیا تے انہاں کوں عیدگاہ غستان وچ دفن کیتا ڳیا۔[٢][٣]
حوالہ جات
[لکھو | ماخذ وچ تبدیلی کرو]- نورالعلوم کے درخشندہ ستارے (مطبوعہ 2011)
- ناموارن بہرائچ از عبرت بہرائچی