حافظ قادر بخش میتلا

سئیں حافظ قادر بخش میتلا رحیم یارخان اِچ7جون 1955ء کوں ڄام رسول بخش میتلا دے گھر پیدا تھئے ۔ فاضل فارسی ، ایم اے اسلامیات تے ایم اے عربی تک تعلیم حاصل کیتی ۔ آپ شعبہ تعلیم نال رہ تے ڈسٹرکٹ ایجوکیشن آفیسر دی حیثیت نال 2015ء کوں محکمہ تعلیم توں ریٹائرمنٹ گھدی ۔ ریٹائرمنٹ دے بعد آپ دا کم تصنیف و تالیف ہے ۔ سلطان الذاکرین تے بزرگان سہروردیہ دے ناں نال شائع تھیوݨ آلی کتاب دی تالیف وچ وی آپ ٻہوں کم کیتے ۔

آپ بزم فرید دے صدر وی ہِن ۔ خواجہ فخر جہاں سئیں دی زیرِ نظر کتاب دیوان اُوحدی دا ترجمہ کرتے انہاں ٻہوں وݙا کم کیتے ۔ݙوجھا ایڈیشن وی شائع تھی ڳے۔درویش تے مٹیے ہوئے آدمی ہِن ، اجمیر شریف دی سجادہ نشین آپ دے علمی تے ادبی کم کوں ٻہوں پسند کیتا تے پڳ ٻدھائی کیتی۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء