حافظ فتح محمد قادری
حضرت حافظ فتح محمد قادری 1255ھ مطابق 1835ء جلال پور پیر والا دے ہک علمی تے دینی گھراݨے وچ پیدا تھے۔ آپ ابتدائی تعلیم اپݨے ابا سئیں مولانا خواجہ کریم بخش صاحب کنوں حاصل کیتی۔ والد صاحب دی وفات دے بعد آپ سندھ تشریف گھن تے اتھاں مولانا عبدالستار سندھی کنوں چار سال تئیں علم حاصل کریندے ریہے۔ ایں توں بعد اپݨے پیر و مرشد حضرت خدا بخش سئیں کول مظفر ڳڑھ آ ڳے تے اتھاں سلوک دیاں منزلاں طے کیتیاں۔ مرشد توں خلافت حاصل کرکے آپ واپس جلال پور پیر والا آ ڳے تے اتھاں خلقِ خدا دی رہنمائی دا فرض ادا کرݨ لڳے۔(95)۔ آپ سچے عاشق رسول تے ٻہوں وݙے واعظ ہن۔ آپ دی ساری زندگی دین دی تبلیغ وچ صرف تھئی۔ آپ حضرت خواجہ غلام فرید دے ہمعصر ہن تے انھاں نال ٻہوں پیارکریندے ہن۔ حضرت خواجہ فریدؒ سئیں نال باقاعدہ خط و کتابت رہندی ہئی۔ ملاقاتاں وی تھیندیاں ہن۔ چھیکڑی ملاقات خواجہ صاحب نال روہی وچ تھئی۔ ایں ملاقات وچ ݙوہاں بزرگاں ہک ٻئے نال چادراں وٹائیاں۔ (96)حافظ فتح محمد قادری 25صفر المظفر 1336ھ ۔ 1916ء وچ وصال فرمایا۔ حضرت فتح محمد قادری فارسی تے سرائیکی زبان دے شاعر ہن۔ سرائیکی کلام تے حضرت خواجہ غلام فریدؒ دے اثرات ٻہوں واضح ہن۔ آپ حافظ دے علاوہ محزون وی تخلص فرمیندے ہن۔ سرائیکی وچ زیادہ تر ݙوہڑے تے کافیاں ملدین۔نمونہ کلام:
ݙوہڑہ
[لکھو | ماخذ وچ تبدیلی کرو]اصل اصول محبت رب دی ٻیا کُوڑ کھپارا
جیکوں ݙیوے سچا سائیں اوندا وݙا پسارا
دل دی کوٹھی روشن ہوئی ڳیا دور اندھارا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان
نبی ولی وݨجارے اوندے محزون کون بچارا
کافی
کیا پچھدیں حال اندر دا
جڑ لڳڑیم تیر جگر دا
ہَم سُنڄڑی روز ازل دی
سروں سختی ناہیں ٹلدی
اتھ جا نیں درمل دی
کجھ عیش نہیں بن گھر دا
دل دلبر کارݨ تانگھے
اتھ جالاں کیندے سانگے
تھئی چولی چنڑی گھانگھے
ٻیا مارم لوک شہر دا
ایہو ویڑھا سارا کھاوے
جند جان لباں تے آوے
جُڑ کیتے درد کلاوے
ہُݨ تن من سولاں سڑدا
کݙیں اُڄڑی جھوک وسائو
ول حافظ کوں ڳل لائو
ایں انگن تے پھیرا پائو
من نام علی حیدر دا