حافظ سراج احمد صاحب

حافظ سراج احمد مکھݨ بیلوی دا وݙا ناں  ہا ،اُستاد امان اللہ صیب ݙسیندن جو وݙے مفتی ہن۔ ہک ٻے حافظ سراج احمد صاحب درانی ہن، مدرسہ سراج العلوم خان پور دے مہتمم ہن، عاشق رسولؐ ہن، ہر سال وݙا جلسہ کرویندے ہن، پرے پرے توں  لوک انہاں  کول پڑھݨ امدے ہن، اساں  تقریراں  سُنݨ ویندے ہاسے، انہاں  دا وعظ خواجہ فرید سئیں  دے کافیں  نال ہوندا ہا۔ جمعے دے وعظ تے جمعہ خان جت سئیں  دے نال ٻہنداہا ۔ جیویں  جیویں  مولانا صاحب خواجہ سئیں  دے شعر پڑھدے ہن او وی نال پڑھدا ہا۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان