حاصل خان بزنجو
حاصل خان بزنجو ایوان بالا (سینٹ) دے رکن تے نیشنل پارٹی دے مرکزی نائب صدر ہن۔ انہاں دا تعلق بلوچستان نال ہئی۔
پیدائش، تعلیم تے ذاتی زندگی
[لکھو | ماخذ وچ تبدیلی کرو]میر حاصل بزنجو 1958ء وچ ضلع خضدار دی تحصیل نال وچ بلوچستان دے سابق گورنر میرغوث بخش بزنجو دے گھر وچ ڄمیے۔ ابتدائی تعلیم مڈل ہائی سکول توں حاصل کیتی۔ انہاں دے پیو دے گورنر مقرر تھیوݨ دے بعد اوہ کوئٹہ آڳئے، جتھاں انہاں نے اسلامیہ ہائی اسکول وچ داخلہ ڳھدا۔ 1977ء وچ میٹرک کرݨ دے بعد 1979ء وچ گورنمنٹ کالج کوئٹہ توں انٹر کیتا۔ 80ء دی ݙہاکے وچ کراچی چلیے ڳئے جتھاں جامعہ کراچی توں آنرز کرݨ دے بعد فلسفے وچ ماسٹرز دی سند حاصل کیتی۔8 اگست 1988ء کوں شادی تھئی، انہاں دی ہک دھی تے ہک پتر ہئی۔ انہاں دے ترائے بھرا ہن۔ حاصل بزنجو کھیݙاں وچ فٹبال تے والی بال وچ دلچسپی رکھیندے ہن۔ فلم بینی تے موسیقی دا شوق وی رکھیندے ہن۔
عملی سیاست
[لکھو | ماخذ وچ تبدیلی کرو]حاصل بزنجو نے 70ء دی دہائی وچ بلوچ اسٹوڈنٹس آرگنائزیشن دے پلیٹ فارم توں سیاست دا آغاز کیتا۔ 1972ء وچ بی ایس او نال زون دے صدر تے بعد وچ تنظیم دے مرکزی جوائنٹ سیکرٹری منتخب تھئے۔ 1987ء وچ بی ایس او تے بی ایس او عوامی دے اتحاد دے خلاف تنظیم توں علیحدگی اختیار کیتی۔ حاصل بزنجو جامعہ کراچی وچ اسلامی جمعیت طلبہ دے خلاف تشکیل ݙتے ونڄݨ آلے قوم پرست تے ترقی پسند طلباء دے اتحاد یونائیٹڈ اسٹوڈنٹس موومنٹ دے چیئرمین وی رہ چکیے ہن۔ 1985ء وچ تحریک بحالی جمہوریت (ایم آر ڈی) وچ متحرک رہے۔ 1988ء وچ پاکستان نیشنل پارٹی وچ شمولیت اختیار کیتی تے نال انتخابات وچ حصہ ڳھدا۔ 1989ء وچ پیو دی وفات دے بعد پاکستان نیشنل پارٹی دی سرگرمیاں وچ زیادہ فعال تھی ڳئے۔ 1990ء دے عام انتخابات وچ قومی اسمبلی دی ݙو نشستاں تے کامیاب تھئے۔ 1996ء وچ پاکستان نیشنل پارٹی دے صدر منتخب تھئے۔ 1997ء دے عام انتخابات وچ اوہ ݙوجھی واری قومی اسمبلی دے رکن منتخب تھئے۔ جنرل پرویز مشرف دے دور وچ حکومت دے خلاف تقریر کرݨ دی پاداش وچ انہاں کوں کجھ عرصہ قید وی کاٹݨی پئی۔ 2002ء وچ انہاں دی پارٹی تے بلوچ نیشنل موومنٹ دا الحاق تھیا تے نیشنل پارٹی دی بنیاد رکھی ڳئی۔ 2009ء وچ بلوچستان توں سینیٹر منتخب تھئے۔[١]
وفات
[لکھو | ماخذ وچ تبدیلی کرو]20 اگست 2020ء کوں وفات پا ڳئے۔ اوہ کینسر تے بواسیر دے امراض وچ مبتلا ہن۔ کراچی دے نجی ہسپتال وچ کیمیو تھراپی کروائی ڳئی ہئی، مگر طبیعت خراب تھیوݨ دے بعد اوہ انتقال کر ڳئے۔ انہاں دی میت کراچی توں انہیں دے آبائی علاقے منتقل کیتی ڳئی، جتھاں جمعے دی شام نماز جنازہ ادا کیتی ڳئی۔[٢]