حاجی ولی محمد عاجز

آپ کوٹ سلطان ڈیرہ اسماعیل خان دے رہݨ والے ہن ۔ عاجز سسی پنوں دا قصہ منظوم کیتے۔ جیڑھا ڈیرہ اسماعیل خان دے علاقے وچ کافی شہرت رکھدے۔

سسی نماݨی درد رنجاݨی پُچھدی رائیاں تائیں

کیچ شہر دے والی دی کوئی ݙیوے خبر میں تائیں

رو رو ویݨ کرے ݙینہ راتیں سُݨج ݙسیجن جائیں

جگر کباب ہویا سڑ کولے دُکھ دُکھ نکلن آہیں

بے کس کوں چا دوست دلیں دا ربّا جلدی ملائیں

عاجز در  در سید دے چاسارے درد مٹائیں

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان