حاجی منظور احمداحقر

حاجی منظور احمد احقرقادری ملتان دے رہݨ آلے ہَن ۔ پرنٹنگ پریس دے مالک ہَن۔ ٻہوں  وݙے خطاط وی ہَن ۔ ہُنائیں  دی بھیݨ اسیݙے چاچا اللہ ݙتہ کوں  پرنی ہوئی ہئی ۔ سال پسالی اپݨی بھیݨ کوں  مِلݨ اَمدے ہَن تے ابے سئیں  نال کچاہری کریندے ہَن ۔ ملتان دا حال حوال ݙیندے ہَن ۔آپ ݙسیندے ہَن جو1818ء ، صوبہ ملتان تے سکھاں  دے قبضے دے بعد ترائے گورنر بدلے ڳئے ، سکھ حملیاں  دی وجہ توں  ہک تاں  صوبہ ملتان تباہ تے برباد تھی ڳیا ہا ، ݙوجھے پاسے تخت لہور دے مہاراجے دا حکم اے ہا جو میکوں  دولت بھیڄو بھاویں  لوکاں  دی چمڑی لہا تے بھیڄو ۔ سکھ حکمران انسان نہ ہن درندے ہن، انہاں  کوں  انسانیں  دے ݙکھ تکلیف دی پرواہ نہ ہئی دولت درکار ہئی۔اے وی ݙسیندے ہَن جو سرائیکی دے پہلے الڳ الڳ ناں  ہَن ۔ ملتان وچ سرائیکی ناں  تے اتفاق کیتا ڳیا ہا ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان