حاجرہ یامین

حاجرہ یامین
معلومات شخصیت
مقام پیدائش	کراچی ،  پاکستان
رہائش	کراچی
شہریت	پاکستان
عملی زندگی
مادر علمی	جامعہ فاطمہ جناح برائے خواتین
پیشہ	ادکارہ ،  ماڈل
کارہائے نمایاں	عہد وفا
	IMDB پر صفحہ

حاجرہ یامین (اردو: حاجرہ یامین، کنوں) پاکستان دی اُبھردی ہوئی ماڈل اَتے ٹی وی اَتے فلمی اداکارہ ہِے۔ فاطمہ جناح ویمن یونیورسٹی کنوں پڑھی ہِے۔ حال وِچ ای آئی ایس پی آر دی طرفوں بݨائی ون٘ڄݨ آلی ڈرامہ سیریل "عہدِ وفا" وِچ اُوہ اداکاری کر چُکی ہِے۔

حیاتی دا احوال

حاجرہ یامین دے پِیؤ سعودی عرب ائیر لائنز وِچ ملازمت کرین٘دے ہَن۔ اِیں کِیتے اِنّھاں دی ابتدائی حیاتی سعودی عرب وِچ گُذری۔ انّھاں دا ٹٻّر 2000ء وِچ سعودی عرب کنوں پاکستان منتقل تِھیا۔ انّھاں دا ہِک بِھرا اَتے چار بھیݨیں ہِن۔ انّھاں نے روٹس سکول سسٹم کنوں او لیول اَتے جامعہ فاطمہ جناح برائے زنانیاں اسلام آباد کنوں کمیونیکیشن وِچ گریجویشن کِیتی۔ انّھاں دا تعلق اسلام آباد نال ہِے، پَر شوبزنس وِچ آپݨاں مستقبل بݨاوݨ کِیتے کراچی وِچ رہن٘دی ہِے۔ ٹی وی ڈرامیاں اَتے فلماں وِچ َم کرݨ داجنون انّھاں کوں کراچی گِھن آیا۔ ہاجرہ یامین نے آپݨے فنی سفر دا اَغاز انور مقصود جہیں منجھے ہوئے ڈرامہ نگاراں دی اڳواݨی وِچ کِیتا۔ انور مقصود دے تھیٹر ڈرامہ سیاچِن وِچ ہاجرہ یامین نے شاندار پرفارمنس دا مظاہرہ کِیتا۔

ہاجرہ یامین نے تھیٹر اَتے ٹی وی ڈرامیاں وِچ کَم کرݨ دے بعد فِلماں وِچ وی کَم کِیتا ہِے۔ انّھاں کوں اسما نبیل نے "مان جاؤ نہ" وِچ سپورٹنگ کردار کِیتے اَتے بعد وِچ ہدایت کارہ شازیہ علی خان نے انّھاں کوں فلم "پنکی میم صاحب" وِچ دِل چسپ کردار کِیتے کاسٹ کِیتا۔ جین٘دے اُتے انّھاں کوں لکس سٹائل اعزاز برائے فلمی اداکارہ کِیتے چُݨیا ڳِیا۔