جے جے للتا

جے جے للتا
(تمل : ஜெ. ஜெயலலிதா)
معلومات شخصیت
ڄم	24 فروری 1948ء
وفات	5 دسمبر 2016ء (68 سال)  چنئی
وجہ وفات	بندش قلب
شہریت	بھارت (26 جنوری 1950–5 دسمبر 2016) ڈومنین بھارت (24 فروری 1948–25 جنوری 1950)
جماعت	آل انڈیا انا ڈراوڈا منیترا کژگم
مناصب
وزیر اعلیٰ تمل ناڈو
برسر عہدہ 24 جون 1991  – 12 مئی 1996
وزیر اعلیٰ تمل ناڈو
برسر عہدہ 14 مئی 2001  – 21 ستمبر 2001
وزیر اعلیٰ تمل ناڈو
برسر عہدہ 2 مارچ 2002  – 12 مئی 2006
وزیر اعلیٰ تمل ناڈو
برسر عہدہ 16 مئی 2011  – 27 ستمبر 2014
وزیر اعلیٰ تمل ناڈو
برسر عہدہ 23 مئی 2015  – 5 دسمبر 2016
عملی زندگی
مادر علمی	سٹیلا میریس کالج
پیشہ	فلم اداکارہ ،  سیاست دان
پیشہ ورانہ زبان	تمل ،  انگریزی
شعبۂ عمل	اداکاری ،  سیاست
اعزازات
فلم فیئر اعزاز جنوبی
	IMDB پر صفحہ

جے رام جے للتا ہک بھارتی سیاست دان، تمل ناڈو دی وزیر اعلیٰ تے سابقہ اداکارہ ہن۔ جے للتا دا مکمل ناں جے رام جے للتا ہے۔ جے للتا سیاسی پارٹی انّا درمک منّز کژگم (اے آئی اے ڈی ایم کے) دی صدر ہن۔ انہاں نے 1991ء توں 2016ء دے درمیان چوݙہ سال توں زیادہ تمل ناڈو دی وزیر اعلیٰ دی حیثیت نال چھی وار خدمات انجام ݙتیاں۔ 9 فروری 1989ء توں، اوہ ہک دراوڈیان پارٹی، آل انڈیا انا ڈراوڈا منیترا کژگم (اے آئی اے ڈی ایم کے) دی جنرل سکریٹری رہی۔ پارٹی دے ساتھی انہاں کوں "اماں" تے پورتیچی تھلاوی (انقلابی رہنما) دی حیثیت نال پہچاݨدے ہن۔ انہاں دے مخالفین انہاں تے الزام لیندے ہن کہ اوہ شخصیت پرستی کوں فروغ ݙیندے ہن تے اے آئی اے ڈی ایم دے قانون ساز تے وزیر انہاں دے سامݨے سرعام سجدہ کریندے ہن۔

جے للتا پہلی واری 1960ء دے ݙہاکے دے وسط وچ ہک فلمی اداکارہ دی حیثیت نال مقبول تھئین۔

29 مئی 2020ء کوں، جے للتا دے بھتریجے جے دیپک تے بھڑینجی جے دیپا کوں مدراس ہائی کورٹ نے انہاں دا قانونی وارث قرار ݙتا ہئی۔

ابتدائی زندگی، تعلیم تے خاندان

جے للتا 24 فروری 1948ء کوں بھارت دے میسور ریاست دے مانڈیا وچ ہک تمل برہمن آئینگر خاندان وچ جئے ارام تے ویدوالی (سنڈھیا) دے کول ڄمیاں ہن۔ جے للتا دا بچپن انہاں دے والد دے فوت تھیوݨ دے بعد مشکلیں وچ گذریا۔

پیشہ وارانہ زندگی

سیاسی زندگی

جے للتا نے سیاست وچ آوݨ توں پہلے فلماں وچ کم کیتا۔ 1982ء وچ تمل ناڈو دے وزیر اعلیٰ ایم جی راما چندرن انہاں کوں سیاست وچ ڳھن آئے۔ اوہ انہاں دے نال کئی فلماں وچ ہیرو رہ چکے ہن۔ پہلی وار ی1984ء وچ راجیہ سبھا کیتے منتخب تھئین تے 1988ء وچ پارٹی دی صدر بݨین۔ سنہ 1991ء وچ ریاست دی پہلی منتخب خاتون وزیر اعلیٰ بݨین۔ 1996ء وچ ڈی ایم دے توں بری طرح ہر ڳئین۔ ولا 2001ء دے انتخابات وچ اکثریت ملی تے اوہ ݙوجھی واری وزیر اعلیٰ بݨین۔ بدعنوانی دے معاملات وچ انہاں کوں کڄھ مہینے کیتے وزیر اعلیٰ دا عہدہ چھوڑݨا پیا۔ 2002ء وچ وزیر اعلیٰ بݨین۔ 2006ء دے صوبائی انتخابات وچ انہاں دی پارٹی کوں شکست تھئی۔

وفات

5 دسمبر 2016ء دی رات 11:30 کوں چینائی وچ انہاں دا انتقال تھی ڳیا۔