جین پیئر سوواج
جین پیئر سوواج: فرانسیسی کیمیاء دان تے نوبل انعام یافتہ
[لکھو | ماخذ وچ تبدیلی کرو]جین پیئر سوواج (ڄمݨ 21 اکتوبر 1944) ہک فرانسیسی کوآرڈینیشن کیمیاء دان ہن جیڑھے سٹراسبرگ یونیورسٹی اچ کم کریندن ۔ انہاں 1967 اچ نیشنل سکول آف کیمسٹری آف سٹراسبرگ (جیڑھا ہݨ ECPM سٹراسبرگ دے ناں نال ڄاݨیا ویندا ہے) توں گریجویشن کیتی ۔ انہاں سپرا مالیکیولر کیمسٹری اچ مہارت حاصل کیتی اے جیندے کیتے انہاں کوں سر جے فریزر سٹوڈارٹ تے بین فیرنگا دے نال 2016 دا نوبل انعام کیمسٹری اچ ݙتا ڳیا ۔
جیوݨ جوڳ
[لکھو | ماخذ وچ تبدیلی کرو]سوواج 1944 اچ پیرس اچ پیدا تھیا ہا ، تے انہاں جین میری لین دے زیر نگرانی یونیورسیٹی لوئس پاسچر توں پی ایچ ڈی دی ڈگری حاصل کیتی ، جیڑھے خود 1987 اچ کیمسٹری اچ نوبل انعام دے فاتح ہن ۔ اپݨے ڈاکٹریٹ دے کم دے دوران ، انہاں کرپٹینڈ لیگینڈز دی پہلی سرت سلھاڑاں اچ سانجھ کیتی ۔ میلکم ایل ایچ گرین دے نال پوسٹ ڈاکٹریٹ تحقیق دے بعد ، او سٹراسبرگ واپس ڳیا ، جتھاں او ہݨ ایمریٹس پروفیسر ہن ۔
سوواج دا سائنسی کم اینجھے مالیکیولز بݨاوݨ تے توجہ ݙیندا ہا جیڑھے بیرونی سگنل دے جواب اچ اپݨی کنفرمیشن کوں تبدیل کر تے مشیناں دے افعال دی نقل کریندن ۔
انہاں دا نوبل انعام والا کم 1983 اچ تھیا ہا ، جݙاں او کینٹینین ، ݙو انٹر لاکنگ رنگ شکل والے مالیکیولز دے کمپلیکس کوں سرت سلھاڑ کرݨ والے پہلے شخص ہن ، جیڑھے کیمیائی طور تے بجائے میکانکی طور تے جڑے ہوئے ہن ۔ کیوں جو ایہ ݙو رنگ ہک ݙوجھے دے نسبت حرکت کر سڳدن ، نوبل انعام اینکوں مالیکیولر مشین بݨاوݨ دی جانب ہک اہم ابتدائی کوشش قرار ݙتا ۔ انعام دے ٻئے ݙو وصول کنندگان بعد اچ روٹاکسانے تے مالیکیولر روٹر بݨا تے اینکوں اڳوں ودھایا ۔
انہاں دے کم دا ہک وݙا موضوع مالیکیولر ٹوپولوجی ہے ، خاص طور تے میکانکی طور تے انٹر لاکڈ مالیکیولر آرکیٹیکچرز ۔ انہاں کوآرڈینیشن کمپلیکس دی بنیاد تے کینٹینز تے مالیکیولر نوٹس دی سرت سلھاڑاں بیان کیتیاں ہن ۔
انہاں کوں 26 مارچ 1990 کوں فرانسیسی اکیڈمی آف سائنسز دا نمائندہ ممبر چݨا ڳیا ہا ، تے او 24 نومبر 1997 کوں ممبر بݨ ڳئے ۔ او فی الحال یونیورسٹی آف سٹراسبرگ (Unistra) اچ ایمریٹس پروفیسر ہن ۔
انہاں 2016 دا نوبل انعام کیمسٹری اچ "مالیکیولر مشیناں دے ڈیزائن تے سرت سلھاڑ کیتے" سر جے فریزر سٹوڈارٹ تے فیرنگا دے نال سانجھا کیتا ۔ انہاں کوں اپریل 2019 اچ امریکی نیشنل اکیڈمی آف سائنسز دا غیر ملکی ایسوسی ایٹ چݨا ڳیا ہا ۔
2021 تک ، گوگل سکالر دے مطابق سوواج دا ایچ انڈیکس 109 اے تے سکوپس دے مطابق 100 ہے ۔