جیئے سرائیکی جیئے ماء بولی

بزرگاں دی یاد تے اوہناں دیاں قربانیاں تئیں خراجِ تحسین پیش کرݨ دا ایہہ ویلھا ساڈے تہذیبی، لسانی، اتے سماجی سنجاݨ لئی انتہائی اہم ہے۔ سئیں (بابا مرید حسین خان راز جتوئی) جہے عظیم رہنماں نے سرائیکی زبان، ثقافت، اتے ساڈی شناخت دے تحفظ کیتے اپݨی ساری حیاتی وقف کر ݙتی۔ او ساڈے لوکاں دے محسن ہن، اتے ایں دھرتی دے سچے سپوت ہن۔ اُنہاں دیاں کوششاں بین الاقوامی ماء بولی دے ݙینھ نال جوڑݨ وی ہک خاص معنٰی رکھیندے، کیوں جو ماء بولی صرف لفظاں دا ہک ذخیرہ کائنی، سگوں ایہہ ساڈے وجود دی روح ہے۔ اڄ دے ݙینھ تے اساکوں ایہہ عہد کرݨاں چاہیدا ہے جو اساں اپݨی ماء بولی، ثقافت، اتے بزرگاں دے ݙتے ہوئے سبقاں کوں ہمیشہ زندہ رکھسوں۔ بابا راز جہے لیڈراں دے خواباں کوں حقیقت وچ تبدیل کرݨ لئی اساں اپݨی نسل نوں اپݨی روایات نال جوڑݨا ہوسی۔ ماء بولی دا عالمی ݙینھ اساکوں یاد ݙیندے جو زباناں دی حفاظت انسانیت دی حفاظت ہے۔ بابا مرید حسین راز دے یومِ وفات تے اساں اُنہاں دی عظیم خدمات کوں سلام پیش کریندے ہیں۔ اُنہاں دا پیغام ساݙے دلاں وچ ہمیشہ جِیوندے رہسے۔ جیئے سرائیکی! جیئے ماء بولی! اورنگزیب اورنگ بغلانی دامان علاقہ پچادھ چوٹی بالا