جکھرانی
جکھرانی قبیلہ بلوچستان دا ہک وݙا تے تاریخی قبیلہ ہے۔ ایں قبیلے توں کئی ذیلی قبیلے وجود وچ آئے ہن، جنہیں وچوں کھنڈوانی قبیلہ سب توں ٻہوں مشہور تے اہم ہے۔ جکھرانی قبیلے دی سرداری دا خطاب وی ایں قبیلے دے کولوں رہیا ہے۔ جکھرانی قبیلے دے مشہور شخص ترک علی جکھرانی ہن، جنہاں دے بارے برٹش ریکارڈز وچ تفصیل نال لکھیا ڳیا ہے۔ ترک علی جکھرانی کوں انتہائی بہادر تے دلیر شخصیت دے طور تے ڄاݨیا ویندا ہائی۔ انہیں دے پیو دا ناں کھنڈو تے ݙاݙے دا ناں موجا ہا۔
ترک علی جکھرانی دے پتر بالاچ خان ہن، جنہیں دے چار پتر ہن۔ بالاچ خان نے ڈو شادیاں کیتیاں ہن۔ پہلی زال توں ݙو پتر تھئے ہن، جنہاں دے ناں ݙاݙا محمد جکھرانی تے یار محمد جکھرانی ہن۔ ݙوجھی زال توں وی ݙو پتر تھئے ہن، جنہاں دے ناں خیر محمد جکھرانی تے کھنڈو جکھرانی ہن۔ کھنڈو جکھرانی دا ناں انہیں دے ݙاݙا کھنڈو دے ناں تے رکھیا ہا۔
جکھرانی قبیلے وچ سرداری دا خطاب سب توں وݙے پتر کوں ݙتا ویندا ہا۔ ایں لحاظ نال داد محمد جکھرانی کوں سرداری دا خطاب ملیا، تے اوہ اڄ وی قبیلے دے سردار ہن۔ یار محمد جکھرانی، داد محمد جکھرانی دے سکے بھرا ہن۔ یار محمد جکھرانی دے کولوں ٻہوں ساری زمین ہئی، جیہڑی بلوچستان دے شاہی علاقے توں گھن کے شاہپور تک ویندی ہئی۔ آکھیا ویندا ہے کہ یار محمد جکھرانی جڈاں سویرے کوں اپݨا گھوڑا ڳھن کے زمین دا چکر لاوݨ نکلدے ہن، تاں شام تک وی اپݨی ساری زمین دا چکر نا لا سڳدے ہن۔
جکھرانی قبیلے دے شجرے وچ کئی ذیلی قبیلے شامل ہن، جنہاں وچ دادوانی، یاروانی، خیروانی، کنڈوانی، گلوانی، ساولانی، قمبرانی، تے شیروانی شامل ہن۔ ایہ سارے قبیلے جکھرانی قبیلے دیاں شاخاں ہن تے انہاں دا اپݨا ہک الڳ تاریخی تے ثقافتی ورثہ ہے۔[١]