جٖام عابد ٻرڑہ

سرائیکی شاعر ڄام عابد ٻرڑہ دا اصل ناں جام عابد حسین تے ابے سئیں دا ناں جام منگلہ ہے۔ بُرڑہ برادری نال تعلق رکھدن۔ یکم جنوری 1974ء کوں پیدا تھئے۔ پرائمری توݨیں تعلیم حاصل کیتی تے بطور پرائیوٹ ملازم اپݨے فرائض سرانجام ݙیندے پن۔ سئیں رب نواز مخمور دی شاگردی اچ 2003ء کوں شاعری دا آغاز کیتا۔ تصانیف اچ سِک سرمایہ ہے۔ ضلع راجن پور اچ رہائش پذیر ہن۔ ٻہوں چنڳی سرائیکی شاعری کریندن۔ تے سرائیکی ماء ٻولی تے سرائیکی دھرتی نال ٻہوں پیار کریندن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء