جویان تھامس

جویان جیرالڈائن تھامس (انگریزی: Joyann Geraldine Thomas، اردو: جویان جیرالڈائن تھامس؛ پیدائش: 9 نومبر 1998) ہک پاکستانی فٹ بال کھلاڑی ہِن۔ اوہ قومی ٹیم دے نال نال اپݨے کلب بلوچستان یونائیٹڈ کِیتے ڈیفینڈر دے طور تے کھیݙدی ہِن۔ اوہ پاکستان کِیتے فٹ بال کھیݙݨ والی پہلی مسیحی زنانی ہِن۔

ابتدائی حیاتی اَتے تعلیم

تھامس دی پیدائش جوائس کرسٹینا دے ہاں تھئی، جیڑھیاں 1500 میٹر ایونٹ وچ قومی سونے دا تمغہ جِتݨ والی ہَن ۔ تھامس رومن کیتھولک ہِن تے انّھاں نے اپݨی سکولی تعلیم کراچی دے سینٹ جوزف کانونٹ سکول توں مکمل کِیتی ۔

کیریئر

تھامس نے اپݨا یوتھ کیریئر کراچی دے گارڈن ایسٹ محلے وچ لارینٹین فٹ بال کلب توں شروع کِیتا۔ اتھاں، انّھاں نے کوچ خیام جما دے زیرِ تربیت کھیݙیا۔ اوہ ڈومیسٹک سطح تے بلوچستان یونائیٹڈ دی نمائندگی کریندی ہِن ۔

قومی ٹیم

تھامس نے قومی ٹیم کِیتے اپݨا ڈیبیو نومبر 2014 وچ اسلام آباد وچ منعقدہ تریجھی SAFF ویمن چیمپئن شپ وچ کِیتا، جِتھاں انّھاں نے پاکستان دے ترئے میچ کھیݙے۔

اعزازات

• نیشنل ویمن فٹ بال چیمپئن شپ: 2014