جوگ چوری
نانے سئیں دی جوگ ݙاڈھی تکڑی ہئی ، ہک تکڑا مارݨا ݙاند ہا ، جوگ چوری تھی ڳی ۔ پیرا چتونے سہجے توں کوٹ سمابے تے سدھا سونک ڳیا ، رستے ءِچ مارݨا ݙاند چوریں کوں مریندا رہ ڳیا ، گھلیندا رہ ڳیا پر چور نتھ کوں چنبڑیے رہ ڳے ، کئی جہیں تے چوریں دے گھلکے لڳے کھڑے ہن ، نانے سئیں سونک دے کورائیں کوں آکھیا پیرا کڈھویا چوری ݙیو ۔ پہلے چوریں انکار کیتا، بعد ءِچ بھونگہ منگیا ۔ نانے سئیں پولیس کارروائی کر تے چوریں کوں پکڑوایا ، ݙاند ݙتونے معافی منگیونے تے وعدہ کیتونے اساݙے پیو دی توباں جو چوری کروں ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان