جولیا گارڈنر ٹائلر

جولیا گارڈنر ٹائلر
(انگریزی میں: Julia Tyler)
مناصب
خاتون اول ریاست ہائے متحدہ
برسر عہدہ 26 جون 1844  – 4 مارچ 1845
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" پریسلا کوپر ٹائلر   f9f9f9; color:#000; margin: 0 0 0 0; border-collapse: collapse;" سارہ چائلڈریس پوک
معلومات شخصیت
پیدائش	4 مئی 1820ء   لانگ آئلینڈ
وفات	10 جولا‎ئی 1889ء (69 سال)  رچمنڈ
مدفن	ہالی ووڈ قبرستان
شہریت	ریاستہائے متحدہ امریکا
شریک حیات	جان ٹائلر (26 جون 1844–18 جنوری 1862)
اولاد	جان الیگزینڈر ٹائلر ،  ڈیوڈ گارڈنر ٹائلر ،  لیون گارڈنر ٹائلر ،  جولیا گارڈنر ٹائلر ،  لچلن ٹائلر ،  پرل ٹائلر
والد	ڈیوڈ گارڈنر
والدہ	جولیانا میکلاچلن گارڈنر
عملی زندگی
پیشہ	سیاست دان
مادری زبان	انگریزی
پیشہ ورانہ زبان	انگریزی
دستخط

جولیا گارڈنر ٹائلر (انگریزی: Julia Gardiner Tyler) جان ٹائلر دی ݙوجھی زال ہئی، جو ریاستہائے متحدہ امریکا دے ݙاہویں صدر ہن۔ ایں طرح اُنّھاں نے 26 جون 1844 توں 4 مارچ 1845 تئیں ریاستہائے متحدہ امریکا دی خاتون اول دے طور تے خدمتاں انجام ݙتّیاں۔

ابتدائی حیاتی

جولیا گارڈنر ٹائلر یا تاں 4 مئی یا 29 جولائی 1820 کوں ڄَمّی ہئی۔ ماخذ اُنّھاں دی تاریخ ڄَمَّݨ دے بارے وِچ مختلف ہِن، اُنّھاں دی قبر تے جولائی دی تاریخ ہِے پر کئی سوانح حیات مئی دی تاریخ ݙسّدین ہِن۔ اِیندے وِچ اُنّھاں دے پُتر تے سوانح نگار لیون گارڈنر ٹائلر وی شامل ہِن۔ اُنّھاں دا ڄَمَّݨ نیویارک دے گارڈنرز جزیرہ تے تِھیا، جو ریاستہائے متحدہ امریکا وِچ نجی ملکیت دے سب توں وݙّے جزیریاں وِچوں ہِک ہِے۔ اُنّھاں دے پیو ڈیوڈ گارڈنر، ہِک زمیندار تے نیویارک اسٹیٹ سینیٹ دے رُکن (1824 توں 1828) تے ماں جولیانا میکلاچلن گارڈنر ہَن۔ اُنّھاں دے نسب وِچ ڈچ، سکاٹش تے انگریز نسلاں شامل ہَن۔

اُنّھاں دی پرورش ایسٹ ہیمپٹن دے قصبے تے بے ساحل دے ہِک نِکے جہے ڳاں وِچ تِھئی تے نیویارک دے شیگری انسٹی ٹیوٹ وِچ تعلیم حاصل کِیتی۔ 1839 وِچ اُنّھاں نے متوسط طبقے دے ڈپارٹمنٹل اسٹور دے اخباری اشتہار وِچ، ہِک نامعلوم شخص دے نال پوز کر تے تے "دی روز آف لانگ آئی لینڈ" دے ناں نال شناخت کر تے شائستہ معاشرے کوں چونکا ݙِتّا۔ اُنّھاں دے ٹٻر نے اُنّھاں کوں مزید تشہیر توں بچاوݨ تے اُنّھاں دی بدنامی کوں گھٹاوݨ کِیتے یورپ گھِن ڳئے۔ اوہ سب توں پہلے لندن لڳے، 29 اکتوبر 1840 کوں اتھاں پُڄے۔ ستمبر 1841 وِچ نیویارک واپس آنݨ توں پہلے اُنّھاں نے انگلستان، فرانس، اطالیہ، سوئٹزرلینڈ، جرمنی، ہالینڈ، بیلجیم، آئرلینڈ تے اسکاٹ لینڈ دا دورہ کِیتا۔

20 جنوری 1842 کوں 21 سالہ جولیا دا تعارف ریاستہائے متحدہ امریکا دے صدر جان ٹائلر نال وائٹ ہاؤس دے استقبالیہ وِچ تِھیا۔ 10 ستمبر 1842 کوں اپݨی پہلی زال لیٹیشیا کرسچن ٹائلر دی موت دے بعد، جان ٹائلر نے واضح کِیتا جو اوہ جولیا گارڈنر نال شادی کرݨ چاہندے ہِن۔ شروع وِچ اُون٘ہاں نے اِیں تجویز کوں ردّ کر ݙِتّا، پر بعد وِچ اُنّھاں دے درمیان تعلقات بݨ ڳئے۔