جولز بورڈٹ
جولز بورڈٹ
[لکھو | ماخذ وچ تبدیلی کرو]جولز جین بیپٹسٹ ونسنٹ بورڈٹ (13 جون 1870 – 6 اپریل 1961) ہک بیلجیئم دا امیونولوجسٹ تے مائکروبیولوجسٹ ہا ۔ بیکٹیریل جینس بورڈیٹیلا ایندے ناں تے رکھی ڳئی ہے ۔ امیونٹی دے متعلق ایندیاں دریافتاں کیتے اینکوں 1919 اچ فزیالوجی یا میڈیسن دا نوبل انعام ݙتا ڳیا ۔
تعلیم تے ابتدائی زندگی
[لکھو | ماخذ وچ تبدیلی کرو]بورڈٹ بیلجیئم دے شہر سوگنیز اچ پیدا تھیا ہا ۔ اوں 1892 اچ فری یونیورسٹی آف برسلز توں ڈاکٹر آف میڈیسن دی ڈگری حاصل کیتی تے 1894 اچ پیرس اچ پاسچر انسٹی ٹیوٹ اچ کم شروع کیتا ، ایلی میشنیکوف دی لیبارٹری اچ جئیں حالی سفید خون دے سیلز ولوں بیکٹیریا دے فیگوسیٹوسس دریافت کیتے ہن ، جو کہ سیلولر امیونٹی دا اظہار ہا ۔
کیریئر
[لکھو | ماخذ وچ تبدیلی کرو]1895 اچ بورڈٹ ایہ دریافت کیتا کہ حاصل کردہ مخصوص اینٹی باڈی دا بیکٹیریولائٹک اثر in vivo اچ فطری سیرم اجزا دی موجودگی نال نشابر طور تے ودھ ویندا ہے جینکوں اوں الیکسین دا ناں ݙتا (لیکن جیڑھا ہݨ کمپلیمنٹ دے ناں نال ڄاݨیا ویندا ہے) ۔ چار سال بعد ، 1899 اچ اوں کمپلیمنٹ ، "ہیمولائسس" اچ شامل ہک ایہو جہی تباہ کن عمل بیان کیتا ، جیندے اچ غیر ملکی سرخ خون دے سیلز مدافعتی سیرم دے سامنے آوݨ دے بعد پھٹ ویندا ہن یا "لائس" تھیندن ۔ 1900 اچ او پیرس چھوڑ ڳیا تاں جو برسلز اچ پاسچر دی طرحاں ہک انسٹی ٹیوٹ قائم کرے ، تے کمپلیمنٹ دے عمل اچ شامل میکانزم تے وݙے پیمانے تے کم کرݨا جاری رکھیا ۔ ایہ مطالعے کمپلیمنٹ فکسیشن ٹیسٹنگ دے طریقیاں دی بنیاد بݨ ڳئے جئیں سیفلیس کیتے سیرولوجیکل ٹیسٹ تیار کرݨ دے قابل بݨایا (خاص طور تے اگست وون واسرمین ولوں واسرمین ٹیسٹ دی تیاری) ۔ ایہو جہی تکنیک اڄ ٻیاں بے شمار بیماریاں کیتے سیرولوجک ٹیسٹنگ اچ استعمال تھیندی ہے ۔
اوکٹیو گینگو نال رل تے ، اوں 1906 اچ بورڈیٹیلا پرٹوسس کوں خالص کلچر اچ الڳ الڳ کیتا تے اینکوں کالی کھانسی دا سبب قرار ݙتا ۔ او 1907 اچ یونیورسٹے لبری ڈی برسلز اچ بیکٹیریولوجی دا پروفیسر بݨ ڳیا ۔
ایوارڈ تے آدر
[لکھو | ماخذ وچ تبدیلی کرو]مارچ 1916 اچ اینکوں رائل سوسائٹی دا غیر ملکی رکن چݨیا ڳیا تے 1930 اچ انہاں دا کرونیئن لیکچر ݙتا ۔ ایں لیکچر اچ بورڈٹ ایہ وی نتیجہ کڈھیا کہ بیکٹیریوفیجز ، بیکٹیریا مارݨ والے "انویزیبل وائرس" جیڑھے فیلکس ڈی'ہیرل دریافت کیتے ہن ، موجود کائنی تے بیکٹیریا خودکار تحلیل دے عمل نال خود کوں تباہ کریندن ۔ ایہ نظریہ 1941 اچ رسکا ولوں بیکٹیریوفیجز دی پہلی الیکٹران مائیکروسکوپ تصویراں دی اشاعت نال ختم تھی ڳیا ۔ امیونٹی نال متعلق ایندیاں دریافتاں کیتے اینکوں 1919 اچ فزیالوجی یا میڈیسن دا نوبل انعام ݙتا ڳیا ۔
بورڈٹ 1961 اچ فوت تھی ڳیا تے برسلز دے آئیکسیلز قبرستان اچ دفن کیتا ڳیا ۔
1919: رائل اکیڈمی آف سائنس ، لیٹرز اینڈ فائن آرٹس آف بیلجیئم دا رکن ۔
1921: یونیورسٹی آف ایڈنبرگ دا کیمرون انعام برائے تھراپیوٹکس ݙتا ڳیا ۔
برسلز اچ بورڈٹ ریلوے سٹیشن ایندے ناں تے رکھیا ڳیا ہے ۔
کینسر ہسپتال انسٹی ٹیوٹ جولز بورڈٹ وی ایندے ناں تے رکھیا ڳیا ہے ۔