جوائݨ
(عربی: کمون ملوکی، فارسی: تخم بنگ، انگریزی: Omum Seeds) جوائݨ ہک اینجھی دوا ہے جس توں تقریباً ہر شخص واقف ہے۔ جوائݨ دا رنگ سیاہی مائل بھورا ہوندا ہے۔ ایں دے بیج سونف دے مشابہ ہوندے ہن۔ ایندی بو تیز ہوندی ہے۔ اس دا مزاج تریجھے درجے وچ گرم و خشک ہوندا ہے۔ عام طور تے ایندی مقدار خوراک ترے ماشہ توں چھی ماشہ تک ہوندی ہے۔ جوائݨ دی ݙو مشہور اقسام ہن۔ جوائݨ دیسی تے جوائݨ خراسانی جبکہ بعض اطباء نے ایندیاں چار اقسام ݙسیاں ہن، یعنی:
- جوائݨ دیسی
- دلجوائݨ
- جوائݨ خراسانی
- اجمود
لیکن مذکورہ بالا ݙوں اقسام ہی زیادہ مشہور ہن۔ جب کہ دلجوائݨ، جوائݨ خراسانی تے اجمود دی مشابہت ضرور ہے مگر خواص دے اعتبار نال انہاں وچ جوائݨ دیسی دی نسبت خاصا فرق ہے۔
جوائݨ دیسی دے پتے کہیں حد تک دھاݨیاں دے پتیاں نال مشابہت رکھدے ہن۔ انہاں وچ کجھ تیزی تے تلخی ہوندی ہے۔ ایندا پودا سوئے دے پودے دی طرح ہوندا ہے۔ جبکہ ایندے چھوٹے چھوٹے، سفید چھتری دی طرح ملے ہوئے پھُل ہوندے ہن۔ پھُلاں دے بعد چھوٹے چھوٹے بیج لگدے ہن۔ ایہے جوائݨ دیسی دے داݨے سݙیندے ہن۔