جنگ آزادی1857 ء

1857ء دی جنگ آزادی وچ وسیب دے لوکیں نہ صرف اے جو انگریز دا ساتھ نہ ݙتا بلکہ بغاوت کر تے انگریزاں کوں وقت وی پاتا۔ طاہر غنی ملتان دائم آباد دے 150تے لکھدن  جو چند مخادیم دی غداری اپݨی جاہ پر اتھاں دے ملتان چھائونی اِچ لڑی ونڄݨ آلی جنگ آزادی وچ حصہ گھٖدا تے انگریز فوج کوں وقت پا ݙتا۔ ملتان چھائوݨی دے نال نال وسیب دے ساندل بار نیلی بار تے گنجی بار اِچ باقاعدہ جنگ تے بغاوت کیتی ۔ انگریزیں مجاہدیں کوں جانگلی تے کالا سپاہی دا ناں ݙتا تے اے وی تھیا جو انگریزاں 10قیدی مجاہداں کوں توپ دے بارود نال اُݙا ݙتا تے خوف پیدا کیتا پر وسیب دے لوک جاناں ݙیندے رہ ڳے تے ملتان دی پلٹن نمبر62تے پلٹن نمبر 69دا مقابلہ کیتا ۔ مجاہدیں ملتان دے نال نال وسیب دے علاقیاں گوگرہ جھنگ سرائے سدھو، ستلج راوی تے چناب دے کناریاں تے جنگ کیتی تاریخ احمد خان کھرل تے ایجھے مجاہداں دے کردار تے کیوں خاموش اے؟

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء