جنرل ڈگلس ڈیوڈ گریسی
جنرل ڈگلس ڈیوڈ گریسی (Douglas David Gracey) 3 ستمبر 1894 کو پیدا تھیا ہا۔ جنرل گریسی پہلی تے ݙوجھی عالمی بھڑان٘د وچ حصہ گھدا ہا۔ جنرل ڈگلس پہلی ہن٘د چین بھڑان٘د وچ وی حصہ گھدا ہا۔ او پاکستان دی فوج دا ݙوجھا سربراہ ہا۔جنرل فرین٘ک والٹر میسروی دے بعد جنرل ڈگلس گریسی 11 فروری 1948 کنوں گھن تے 16 جنوری 1951 تئیں اپݨی ریٹائرمنٹ تک پاکستان دی فوج دا سربراہ ریہا ہا۔ جنرل ڈگلس گریسی کرکٹ دا ٻہوں چن٘ڳاں کھݙکار ہا۔ جنرل ڈگلس گریسی 5 جون 1964 کوں 69 سال دی عمر وچ فوت تھی ڳیا۔