جنرل ٹکا خان

جنرل ٹکا خان پاکستان دی بری فوج دا ستواں سربراہ تے پہلا چیف آف سٹاف ہا۔ جنرل ٹکا خان 7 جولائی 1915 کوں کلر سیداں ضلع راولپن٘ڈی وچ پیدا تھیا ہا۔ ٹکا خان انڈین آرمی وچ کمیشن حاصل کیتا۔ ٹکا خان 7 مارچ 1971 کنوں 3 ستمبر 1971 تئیں پوادھی پاکستان دا گورنر ریہا۔ 3 مارچ 1972 کنوں 29 فروری 1976 دے وچال ٹکا خان پاکستان دی فوج دا سربراہ ریہا۔ ریٹائرمن٘ٹ دے بعد او سیاست وچ آیا تے پاکستان پیپلز پارٹی دا سیکرٹری جنرل ریہا۔ 9 دسمبر 1988 کوں پن٘جاب دا گورنر مقرر تھیا تے 6 اگست 1990 تئیں گورنر دے عہدے تے ریہا۔ 28 مارچ 2002 کوں 87 سال دی عمر وچ فوت تھی ڳیا۔