جنرل فرین٘ک والٹر میسروی

جنرل فرین٘ک والٹر میسروی ( Frank Walter Messervy) برطانوی ہن٘دوستان دی فوج دا ہک افسر ہا۔ فرین٘ک والٹر 9 دسمبر 1893 کوں پیدا تھیا ہا۔ فرین٘ک والٹر جنوری 1913 کو انڈین آرمی وچ بھرتی تھیا ہا۔ انہاں پہلی تے ݙوجھی عالمی بھڑان٘د وچ حصہ گھدا۔ پہلی عالمی بھڑان٘د وچ انہاں فرانس، فلسطین تے شام تے کردستان وچ لڑائی وچ حصہ گھدا۔ او آزادی دے بعد 15 اگست 1947 کنوں 10 فروری 1948 تئیں پاکستان دا پہلا فوجی سربراہ بݨیا ہا۔ 1948 وچ وہ فوج کنوں ریٹائر تھی ڳیا۔ انہاں دی ہک دھی تے ݙو پتر ہن۔ جنرل فرین٘ک والٹر میسروی 2 فروری 1974 کو فوت تھی ڳیا۔