جندڑی
ایں نظم وچ شاعر زندگی کوں عارضی ‘ فانی تے وقتی جان تے اڳلی دنیا کیتے نیک اعمال کماون دی ترغیب ݙیندے۔ سرائیکی زبان وچ ایں صنف دی سب توں پہلی تے عظیم نظم ملتان دے بزرگ شاعر حضرت شیخ عبداللہ 1090)ھ۔ 1679ء) جندڑی پردیسی دے ناں نال لکھی۔
خ خاناں دی شکل بݨاویں
اوچے محل بلند چڑھاویں
مہماناں تھیں جے نس جاویں
کھیڑا خان کہیسیا
سمجھ بندے توں نال فکر دے اے جندڑی پردیسیا
د دلیلاں چھوڑ تمامی
فکر کریں وچ ہر دم سامی
جیڑھی تیری جاگ مدامی
رب حساب پوچھیسیا
سمجھ بندے توں نال فکر دے اے جندڑی پردیسیا
ی یارو شیخ عبداللہ
وچ تصنیف جے ھووے بھلا
کجھ خطایاں ھور نہ مولا
تس بھی رب کڄیسیا
سمجھ بندے توں نال فکر دے اے جندڑی پردیسیاء
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان