جناح سندھ میڈیکل یونیورسٹی
جناح سندھ میڈیکل یونیورسٹی، جیہڑا پہلے سندھ میڈیکل کالج دے ناں نال سݙیا ویندا ہئی، کراچی، سندھ، پاکستان وِچ ہک میڈیکل یونیورسٹی ہے۔ اینکوں جون 2012 وِچ کالج توں یونیورسٹی دا درجہ مِل ڳیا۔
تاریخ
[لکھو | ماخذ وچ تبدیلی کرو]جناح سندھ میڈیکل یونیورسٹی، جیندا پہلے ناں سندھ میڈیکل کالج ہئی، اپریل 1973 وِچ حکومت سندھ دی تشکیل کردہ کمیٹی دی منظوری دے بعد شروع تھئی۔ 1973 وِچ تقریباً 200 طلبہ کوں ایم بی بی ایس دے پہلے سال وِچ داخلہ ݙتا ڳیا۔ خواجہ معین احمد کوں کالج دا پہلا پرنسپل مقرر کیتا ڳیا۔ کالج نے ابتدائی طور تے جناح پوسٹ گریجویٹ میڈیکل سینٹر دے پیڈیاٹرکس وارڈ وِچ کم کرݨ شروع کیتا، جیہڑا 1865 توں آرمی بیرک ہئی تے 1959 وِچ جناح پوسٹ گریجویٹ میڈیکل سینٹر کوں ݙے ݙتا ڳیا۔ ایندا آغاز صرف ترائے شعبیاں نال تھیا: اناٹومی (بشمول ہسٹولوجی)، فزیالوجی تے بائیو کیمسٹری۔ بعد دے سالاں وِچ، پیتھالوجی، فارماکولوجی، فرانزک میڈیسن تے کمیونٹی میڈیسن دے شعبیاں کیتے ہک نواں اکیڈمک بلاک بݨایا ڳیا۔ ایں وِچ نویں عجائب گھر، لیبارٹریز تے ایڈمنسٹریشن بلاک وی ہن۔
الحاق
[لکھو | ماخذ وچ تبدیلی کرو]یونیورسٹی کوں ہائر ایجوکیشن کمیشن تے یونیورسٹی گرانٹس کمیشن (پاکستان) توں مکمل طور تے تسلیم کیتا ڳیا ہے۔ یونیورسٹی ٻیاں طبی اداریاں نال وی منسلک ہے جیویں جو جناح پوسٹ گریجویٹ میڈیکل سینٹر، نیشنل انسٹی ٹیوٹ آف چائلڈ ہیلتھ تے نیشنل انسٹی ٹیوٹ آف کارڈیو ویسکولر ڈیزیز۔
انضمام
[لکھو | ماخذ وچ تبدیلی کرو]2003 وِچ، سندھ میڈیکل کالج ڈاؤ یونیورسٹی آف ہیلتھ سائنسز دا حصہ بݨ ڳیا۔ ایہ نصاب، فیکلٹی تے ٻیاں مخصوص وسائل کوں ڈی یو ایچ ایس دے ٻیاں الحاق شدہ اداریاں جیویں جو ڈی ایم سی (ڈاؤ میڈیکل کالج) تے ڈاؤ انٹرنیشنل میڈیکل کالج دے نال شیئر کریندا ہے۔ بعد وِچ 2010 وِچ، ایہ جناح پوسٹ گریجویٹ میڈیکل سینٹر دے نال ضم تھی ڳیا۔[١]
یونیورسٹی دا درجا
[لکھو | ماخذ وچ تبدیلی کرو]سندھ میڈیکل کالج نے 2 جون 2012 کوں یونیورسٹی دا درجا حاصل کیتا تے ایویں ایہ کراچی دی تریجھی میڈیکل یونیورسٹی بݨ ڳئی، جیندے آرڈیننس گورنر سندھ عشرت العباد خان نے دستخط کیتے تے بلاول ہاؤس وِچ صدر آصف علی زرداری دی گواہی وِچ۔[٢] [٣] [٤]
قابل ذکر سابق طلبہ
[لکھو | ماخذ وچ تبدیلی کرو]سندھ میڈیکل کالج (تے بعد وِچ یونیورسٹی) دے قابل ذکر گریجویٹس وِچ شامل ہن:
- شاہد مسعود
- خالد مقبول صدیقی
- ارباب غلام رحیم (سابق وزیر اعلیٰ سندھ)
- عمران فاروق (پاکستانی سیاستدان)
- فاروق ستار (پاکستانی سیاستدان)
- شائستہ واحدی (پاکستان وِچ ٹی وی دی شخصیت)
- عاصم شاہ ملک (برطانوی ہیئر ٹرانسپلانٹ سرجن تے براڈکاسٹر)
حوالہ
[لکھو | ماخذ وچ تبدیلی کرو]- ↑ (Mahnoor Sherazee) Three hospitals and medical college to put up a fight against merger The Express Tribune (newspaper), Published 30 December 2010, Retrieved 2 April 2021
- ↑ University status: Karachi gets its third medical university with SMC upgrade The Express Tribune (newspaper), Published 2 June 2012, Retrieved 2 April 2021
- ↑ (Associated Press of Pakistan) President witnesses signing of ordinance Pakistan Today (newspaper), Published 2 June 2012, Retrieved 2 April 2021
- ↑ President witnesses signing of Ordinance to set up SMU Pakistan Observer (newspaper), Published 21 February 2013, Retrieved 2 April 2021