جمووال

رام چندر جی دے پتراں دے ناں کش اتے لو ہن۔ کش دی کئی نسلاں دے بعد جامولوچن پیدا تھیا، جئیں اپݨی راجدھانی چھوڑ تے موجودہ جموں دی طرف ہجرت کیتی۔ جامولوچن نے جموں شہر اپݨے ناں توں آباد کیتا اتے اوندی اولاداں جموال سݙویندن۔ ایں جموال خاندان دے راجا جوگ راج دے ݙو پتر ہن، سورج ہنس اتے ملن ہنس۔ سورج ہنس اپݨے پیو دا جانشین وی بݨیا۔

ملن ہنس اتے اوندی اولاد نے حکمرانی دے دوران کاشتکاری، تعلیم اتے دفاع تے زور ݙتا تاکہ ہک خوشحال معاشرے دی بنیاد رکھی ونڄ سڳے۔ راجپوت برادری وچ جموال دیاں ٻہوں ساریاں گوتاں ہن، جنہاں وچ ڈوگرہ، ماگرے اتے منہاس قابل ذکر ہن۔ منہاس راجپوت یا ماگرے جموال دی بنیاد جموں توں اے۔ جموں اتے کشمیر ݙو الگ الگ ریاستاں ہن۔ منہاس، ڈوگرہ، ماگرے، ڈار، تانترے، جموال اتے راٹھور، اے سارے راجپوت قبیلے آپس وچ بھرا بند ہن اتے انہاں دا نسلی تعلق رام چندر جی دے کش نال اے۔