جمنا (اداکارہ)

جمنا (اداکارہ)
(تیلگو : జమున)
معلومات شخصیت
ڄمݨ	30 اگست 1936ء   ہیمپی
وفات	27 جنوری 2023ء (87 سال)  حیدر آباد
شہریت	برطانوی ہند ڈومنین بھارت بھارت
جماعت	انڈین نیشنل کانگریس
ٻال	2
مناصب
رکن نویں لوک سبھا
رکنیت مدت 2 دسمبر 1989  – 13 مارچ 1991
منتخب در	بھارت عام انتخابات، 1991ء
پارلیمانی مدت	نویں لوک سبھا
عملی زندگی
کم	ادکارہ ،  سیاست دان
پیشہ ورانہ زبان	تیلگو
اعزازات
فلم فیئر اعزاز برائے بہترین معاون اداکارہ (برائے:Milan ) (1968)
	IMDB پر صفحہ

جمنا (انگریزی: Jamuna) (ڄَمݨ دی تریخ: جمنا رمن راؤ؛ 30 اگست 1936ء)[1] ہک بھارتی اداکارہ، ہدایت کار اتے سیاستدان ہن جنہاں بنیادی طور تے تیلگو فلماں وچ کم کیتا ہے۔ جمنا فلم فیئر ایوارڈ برائے بہترین معاون اداکارہ حاصل کرݨ آلی ہن۔

ابتدائی زندگی

جمنا 1936ء وچ کرناٹک دے ہیمپی وچ پیدا تھیاں ہن۔ انہاں دے پیو نپپنی سری نواسن راؤ ہک مدھو براہمن، تاجر ہن اتے انہاں دی ماں کوشیالی دیوی ہک ویش ہن۔ جمنا دا اصل ناں جنا بائی ہئی۔ جمنا دی پرورش ہندوستان دی ریاست آندھرا پردیش دے گنٹور ضلعے دے ڈوگیرالا وچ تھئی۔ جݙاں ساوتری ڈوگیرالا وچ ڈراما پیش کرݨ آئی تاں اوہ جمنا دے گھر ہی رہی۔ بعد وچ، ساوتری نے جمنا کوں فلماں وچ اداکاری کرݨ کیتے سݙیا۔ جمنا دی مادری زبان کناڈا ہے۔

پیشہ وارانہ زندگی

جمنا سکول وچ ہک اسٹیج فنکار ہئی۔ انہاں دی ماء نے انہاں کوں موسیقی اتے ہارمونیم دی تعلیم ݙتی۔ جمنا تیلگو اتے ٻئی جنوبی ہندوستانی زباناں وچ 198 فلماں وچ کم کیتا۔ اپݨی اداکاری کیتے فلم فیئر ایوارڈ برائے بہترین معاون اداکارہ وی جتیا۔

جمنا 1980ء دے ݙہاکے وچ کانگریس پارٹی وچ شامل تھئی اتے 1989ء وچ راجمندری حلقے توں لوک سبھا کیتے چُݨی ڳئی۔ ایندے بعد اوہ سیاست توں ریٹائر تھی ڳئی پر 1990ء دی ݙہاکے وچ کجھ عرصے کیتے بی جے پی کیتے انتخابی مہم چلائی۔

ذاتی زندگی

انہاں 1965ء وچ جامعہ عثمانیہ دے پروفیسر جولوری رمن راؤ نال شادی کیتی جیہڑے حیاتیات دے پروفیسر ہن۔ جولوری رمن راؤ 10 نومبر 2014ء کوں 86 سال دی عمر وچ دل دا دورہ پوݨ دی وجہ توں فوت تھی ڳئے۔

ایوارڈ

• 1968ء - فلم فیئر اعزاز برائے بہترین معاون اداکارہ
• 1972ء - فلم فیئر اعزاز ساؤتھ
• 1999ء - تمل ناڈو اسٹیٹ فلم آنری ایوارڈ
• 2008ء - این ٹی آر نیشنل ایوارڈ
• 2010ء - پدم بھوشن ڈاکٹر بی سروجا دیوی قومی ایوارڈ
• 2019ء - سینٹوشام لائف ٹائم اچیومنٹ ایوارڈ