جملے دی ساخت

الفاظ دا ایہ جیہاں بالترتیب مجموعہ جہڑا کوئی مطلب واضح کرے جلمہ سݙیندے۔ تے جملے دی ساخت دے مطالعے کوں گرامر آہدن۔ جملے دیاں ݙو قسماں ہن۔

١۔ جملہ اسمیہ: جملہ اسمیہ اوں جملے کوں اہدے ہن۔ جیندے وچ مسند تے مسند الیہ ݙوہیں اسم ہوون۔ تے اوندے چھیکڑ وچ فعل ناقص آوے؛ جین٘ویں عمران وݙا ذہین ہے۔ ایں جملے وچ 'عمران' مسند الیہ، وݙا ذہین 'مسند' تے 'ہے' فعل ناقص ہے

٢۔ جملہ فعلیہ: جملہ فعلیہ اوں جملے کوں آہدے ہن جیندے وچ مسند الیہ اسم ہووے تے 'مسند' فعل ہووے۔ جملہ فعلیہ وچ فعل ناقص دی جاہ تے فعل تام آن٘دے۔ جیندے نال کم دا خیال تھی ویندا ہے۔ جین٘ویں اسلم آیا۔ اکرم نماز پڑھی وغیرہ۔ ایں جملے وچ اکرم فاعل ہے۔ نماز مفعول تے پڑھی فعل تام