جمشید کمتر رسولپوری

جام پور دی دھرتی دے شاعر جمشید کمتر رسول پوری دا اصل ناں جمشید احمد تے ابے سئیں دا ناں حاجی عطاء محمد ہے۔ احمداݨی برادری نال تعلق رکھدن۔ 20نومبر 1950ء کوں رسول پور اچ پیدا تھئے۔ انجینئر ی اچ ڈپلومہ کرݨ دے بعد ملازمت اختیار کر گھٖدی۔ 1960ء اچ شاعری داآغاز کیتا۔ تصانیف اچ سرائیکی سمل، سکھ سوجھلا، پاندھی ٹُردا ڄُل تے ٻیاں کتاباں شامل ہن۔ جام پور راجن پور دے رہائشی ہن۔ سرائیکی ماء ٻولی نال ڈاڈھی محبت کریندن۔ ٻہوں اعلیٰ شاعری کریندن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء