جمشید احمد کمتر
اصل ناں جمشید احمد خان
تخلص کمترؔ
جٖمنْ 1950ء
جاہ پتہ وستی رسول پور تحصیل جامپور ضلع راجن پور
کمترؔ رسول پوری سرائیکی دا اوہ شاعر ہے جیڑھا محبوب دی زلف تے رنگ رخسار دی تعریف کرنْ دے بجائے اپنْے وسیب تے تھیونْ آلے ظلم ، ڈٖڈھپ تے استحصالی تے احتجاج کریندا نظر آندے۔ظالم کوں اپنْی طنزیہ شاعری دا نشانہ بنْیندے تے اَہدے۔
؎سچے دا گھر کھوٹا کھا گٖئے
میرٹ کوں سئیں کوٹا کھا گٖئے
بھیڈٖ دا گھا ہا لکیا لاتھا
ہنمبھل مار کے جھوٹا کھا گٖئے
ہر کئی خالی پیر پچھوں تے
پیلھوں آپ جٖلھوٹا کھا گٖئے