جمادات

جمادات (Jamadat) جماد دی جمع ہے، ایندا مطلب ہے او چیزاں جنہاں وچ روح نہیں ہوندی اتے ایں وچوں اکثر دا مطلب پتھراں اتے معدنیات توں ہوندا ہے۔

عالم جمادات

عالم جمادات توں عموماً مراد پہاڑ اتے ٻیاں معدنیات جیویں چاندی، سونا، ہیرا، بلور وغیرہ ڳھدا ویندا ہے۔ جمادات او ہن جیہڑے قدرتی ترکیب نال مرکب ہن۔ جمادات وچ وی حیوانات و نباتات آلا قانون فطرت کم کریندا پیا ہے۔

جمادات دی حقیقت

جمادات دے مقابل حیوانات و نباتات ہن، انہاں وچ پاتی ونڄݨ آلی تمام حرکات اتے نشو و نما دیاں خصوصیات جیویں تغذیہ، نشو و نما اتے تناسل وغیرہ جیہڑے انسان و حیوان ݙونہاں وچ ہن جمادات وچ کوئنی ہن۔ جمادات جنہاں تے موت و جمود دی حالت طاری ہے، او حیات دی حقیقت و مزاج توں بالکل مختلف ہن۔

جمادات دا حکم

جمادات سب پاک اتے حلال ہن الا اے کہ مضر ہووے یا نشہ ڳھن آوݨ آلا ہووے۔ قاعدہ اے ہے کہ جیہڑیاں سبزیاں یا دانہ صحت کوں مضر ہوون او حرام ہن، جیہڑے مضر نہ ہوون او حلال ہن حتیٰ کہ سنکھیا وی مار کے کھادا ونڄے تاں حلال ہے۔