جلال بابا
محمد جلال الدین خان عرف جلال بابا (ڄمݨ دی تریخ: 1901ء – وفات دی تریخ: 1981ء) ضلع ہزارہ وچ پیدا تھئے۔ او ہک معروف سیاسی رہنما ہن جنہاں نے 1937ء وچ مسلم لیگ وچ شمولیت اختیار کیتی اتے ایبٹ آباد وچ پہلا دفتر قائم کیتا۔ او 18 سال تک ہزارہ مسلم لیگ دے صدر رہے۔ 1946ء وچ انہاں نے آل انڈیا مسلم لیگ دے اجلاس وچ انگریز دے ݙتے ڳئے خطابات واپس کرݨ دی قرارداد پیش کیتی، جینکوں قائد اعظم نے منظوری ݙتی۔ انہاں دی قیادت وچ مسلم لیگ نے 1946ء دے صوبائی انتخابات وچ ہزارہ دی 11 وچوں 10 نشستاں جتیاں۔ انہاں نے 1947ء دے تاریخی ریفرنڈم وچ وی اہم کردار ادا کیتا جیندے نتیجے وچ صوبہ سرحد پاکستان دا حصہ بݨیا۔ جلال بابا نے 1948ء دے جہاد کشمیر وچ وی بھرپور تعاون کیتا۔ قیام پاکستان دے بعد او ترائے واری وزیر دے عہدے تے فائز رہے اتے وزیر داخلہ وی بݨے۔ انہاں دیاں خدمات دے اعتراف وچ ایبٹ آباد وچ "جلال بابا ایڈیٹوریم" تعمیر کیتا ڳیا ہے۔