جعفر زیدی
اصل ناں جعفر حسین
قلمی ناں جعفر زیدیؔ
ڄمݨ 1985ء
تعلیم مڈل
پیشہ دکانداری
جاہ پتہ وستی کلو والا تحصیل و ضلع لودھراں
غزل
[لکھو | ماخذ وچ تبدیلی کرو]اساں اپݨی ہستی مٹا چھوڑی ڈھولا
سِوا تیݙے ہر شئے بھلا چھوڑی ڈھولا
محبت دا ناں سُݨ کے چھرکیاں بھریندے
جو ڈٖے دل کوں ایجھیں سزا چھوڑی ڈھولا
کریجے محبت دا اظہا کیویں
سوچیندیں حیاتی لنگھا چھوڑی ڈھولا
جتھاں نقشِ پا تیݙا ساکوں نظردے
اُتھئیں سیس اپݨی نوا چھوڑی ڈھولا
اساکوں توں ڄاݨے یا نہ ڄاݨے زیدیؔ
اساں اپݨی طرفوں نبھا چھوڑی ڈھولا
٭٭٭