جعفر حسین شاہ جعفر
جعفر حسین شاہ جعفر
اصل ناں جعفر حسین شاہ
تخلص جعفرؔ
جمن 1954ء
تعلیم میٹرک
پیشہ زمیندارہ ، حکمت
جاہ پتہ چک نمبر2کوٹ میلہ رام تحصیل و ضلع ملتان
(1)غزل
[لکھو | ماخذ وچ تبدیلی کرو]دعاء ڈٖیوے جو دشمن کوں ادا ہووے تاں انجٖ ہووے
چڑھن بے جرم سولی تے سزاہووے تاں انجٖ ہووے
پتھر جھل کے وی سینے تے نہ چھوڑے شہر لیلٰی دا
جے ایں فانی زمانے تے وفاہووے تاں انجٖ ہووے
اندر شکوے ہزاراں ہن مگر اے لب نہیں ہلدے
اکھیں ڈٖیکھن تاں شرماون حیاہووے تاں انجٖ ہووے
بھانویں کھوہ وچ ریہا ڈھہندا ، بھانویں اَٹّی دے مُل ہویا
نہ آکھے کجھ بھرانواں کوں بھراہووے تاں انجٖ ہووے
میں تن دے ماس تے جعفرؔ جیکوں پالیا ہے کل تونْیں
او اجٖ پانْی وی نئیں پچھدا جفاہووے تاں انجٖ ہووے
٭٭٭