ججے دے ڈینڈے

ججے دے ڈینڈے مشہور ہن ، لالو آلی ، سوکڑ نلی آلی ساوی تے ٻیاں  پنڈوں  وی مشہور ہن پر ڈینڈے دی اپݨی چس اے ۔ اسیݙی وستی ءِچوں  میݙے ابّے نال ڈھیر سارے آدمی پنڈوں  گھنݨ ویندے ہن ، ہر کوئی سائیکلیں  دے پچھوں  بھوترے آلیاں  کنیجراں  ٻدھیندا ہا تے سویلے رَل تے روانہ تھیندے ہن ۔ ݙوپہریں  کوں  وَل اَمدے ہن ، ججے دے ڈینڈے گھن اَمدے ہن، پنڈوں دی ساوݨی تھیندی ہئی تے اپݨے اپݨے سکیں  کوں  لپ لپ ݙو، ݙو لپ پنڈوں  چھٻی ءِچ پا تے پٹھیندے ہاسے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان