جتیال

جھتیال قبیلہ پنجاب دا ہک زمیندار جٹ قبیلہ ہے، جیہڑا بنیادی طور تے مظفر ڳڑھ، جھنگ، لودھراں، لیہ، بہاولپور، کوٹ ادو، ملتان، خانیوال، لاہور تے اسلام آباد وچ آباد ہے۔ جھتیال قبیلے دے لوک اپݨے ناں دے نال مہر، ملک، جام، قاضی تے رانجھا دا استعمال کریندن۔ ایں قبیلے دی تاریخ دلا بھٹی نال جڑی ہوئی ہے، جیہڑا اکبر بادشاہ دے خلاف بغاوت کرݨ تے پھاسی تے چڑھا ݙتا ڳیا ہئی۔ جھتیال قبیلے دے لوک حضرت جہانیاں گشت رحمتہ اللّٰه علیہ دے ذریعے مسلمان تھئے ہن۔ ایں قبیلے دے لوک پنجاب تے سندھ وچ پھیلے ہوئے ہن تے اپݨی ثقافت تے روایات کوں زندہ رکھے ہوئے ہن۔