جاگ سرائیکی دا نعرہ

اُستاد اَکھیندے ہَن جو ایس کیو ایم آلے جاگ سرائیکی جاگ دا نعرہ لا تے سرائیکی مخالفیں کوں جڳوا ݙتے تے آپ سُم پِن ۔ ݙوجھے مارکہ ایجھے جاڳین جو ولا نی سُتے ۔ نواز شریف کوں جاگ پنجابی جاگ آکھݨ دی ہک واری نوبت آئی اے ، مجال اے جو کݙاہیں ہک لوظ ولا کسکیا ہووے ۔ اساݙے مارکئیں دے نعرے مار مار تے سنگھ ٻہہ ڳن ، قوم نی جاگی اوں ویلے جو بانگ ݙیوݨ آلئیں دی اپݨی نیت ٹھیک نہ ہئی ، بانگا ہووے تے بھاویں مولوی اثر ایں سانگے کینھی جو اوندا مسئلہ اصل توں ودھ اوندا پیٹ تے اوندی حرص ہوس ہے ۔ اے تاں شکر اے سرائیکی اخبار آ ڳے ، کتاباں چھپدیاں پن تے سرائیکی بچ ڳی اے تے ہر پاسے سرائیکی سرائیکی تھیندی پی اے۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان