جام محمد یوسف

میر جام محمد یوسف میر جام غلام قادر دے گھر لسبیلہ وچ ڄنیے۔ اوندی عمر 52 سال ہے تے تعلیم ایم اے، ایل ایل بی ہے۔ اوہ کاشتکاری دے شعبے نال وابستہ ہن۔ 1985 تے 1991 وچ اوہ قومی اسمبلی دے رکن منتخب تھئے۔ 1988، 1990، 1993، 1997 تے 2002 دے عام انتخابات وچ مسلسل پنڄویں واری بلوچستان صوبائی اسمبلی دے رکن منتخب تھئے تے دسمبر 2002 توں بلوچستان دے وزیراعلیٰ دے عہدے تے فائز ہن۔ اوہ بلوچستان دے عوام دی ترقی کیتے خاص طور تے تے پاکستان دے عوام کیتے عام طور تے سیاسی تے سماجی طور تے کوشاں رہے ہن۔ انہاں نے سعودی عرب، برطانیہ، امریکہ، جاپان، قطر، دبئی، فرانس، سنگاپور، چین، ملائیشیا، ہانگ کانگ، جرمنی، اٹلی، مراکش، تیونس، لیبیا، لبنان، برازیل تے چلی دے سرکاری دورے کیتے تے مختلف ورکشاپس/سیمینارز وچ شرکت کیتی۔ انہاں دے پیو میر جام غلام قادر ریاست لسبیلہ دے پہلے والی ہن جنہاں نے اپݨی ریاست دا الحاق پاکستان نال کیتا۔ علاوہ ازیں، اوہ 1972، 1977 تے 1985 وچ بلوچستان صوبائی اسمبلی دے رکن منتخب تھئے، اسپیکر تے 1985 وچ وزیراعلیٰ دے عہدے تے فائز رہے۔ انہاں دے چھوٹے بھرا شہزادہ جام محمد اکبر وی 1997 وچ بلوچستان صوبائی اسمبلی دے رکن منتخب تھئے ہن۔