جام عابد

اصل ناں       عابد حسین

قلمی ناں       جام عابدؔ

جٖمنْ           1974ء

تعلیم          پرائمری

پیشہ           زمیندارہ

جاہ پتہ       ڈاکخانہ کوٹلہ نصیر ضلع راجن پور

غزل

سکھ اَئیں کتھوں اُلجھے سِنْپ وے سانولا

پوڑیں چڑھا ڈٖاکے نہ کپ وے سانولا

دیدیں دے در لنگھدا ہویا دل دے شہر

لکھ وار آ ! کندھاں نہ ٹپ وے سانولا

دل دی صدا سُنْ تے ولا جگٖ دی طرح

تَیں وی تاں چا ماریا ہے مپ وے سانولا

قربت دا اے ویری ہے جگٖ ازلیں کنوں

قسمت تے نہ الزام تھپ وے سانولا

کیڈٖے ونجٖوں ، کنتے مروں ہینْے جو ہَؤں

سہندے ودوں تیڈٖے ڈٖڈھپ وے سانولا

تیکوں پُنی عابدؔ تیڈٖی دانشوری

ساڈٖے ذمے سارے گٖلھپ وے سانولا