جارج پالڈے
جارج پالڈے
[لکھو | ماخذ وچ تبدیلی کرو]جارج ایمیل پالڈے ہک رومانیئن نژاد امریکی سیل بائیولوجسٹ ہن ۔ انہاں کوں "ہن تئیں دا سب توں با اثر سیل بائیولوجسٹ" قرار ݙتا ڳیا ہے ۔ 1974 وچ انھاں کوں البرٹ کلاڈ تے کرسچن ڈی ڈوو دے نال فزیالوجی یا میڈیسن دا نوبل انعام ݙتا ڳیا ۔ ایہ انعام انہاں کوں الیکٹران مائیکروسکوپی تے سیل فریکشنیشن وچ اپݨیاں ایجادات تے ݙتا ڳیا جنہاں مل تے جدید مالیکیولر سیل بائیولوجی دی بنیاد رکھی ، جنہاں وچ سب توں اہم دریافت اینڈوپلازمک ریٹیکولم دے رائبوزومز ہن – جنہاں کوں انہاں پہلی واری 1955 وچ بیان کیتا ۔
ابتدائی زندگی تے تعلیم
[لکھو | ماخذ وچ تبدیلی کرو]جارج ایمیل پالڈے 19 نومبر 1912 کوں یاشی ، رومانیہ وچ پیدا تھئے ۔ انہاں دے والد ہک پروفیسر ہن ۔ پالڈے ابتدائی تعلیم رومانیہ وچ حاصل کیتی تے بعد وچ یونیورسٹی آف بخارسٹ توں طب (Medicine) دی تعلیم حاصل کیتی ۔ سائنس نال انہاں دی دلچسپی اینہی دور وچ ودھݨ لڳی۔
سائنسی سفر دا آغاز
[لکھو | ماخذ وچ تبدیلی کرو]طب دی تعلیم مکمل کرݨ توں بعد ، پالڈے کجھ عرصہ رومانیہ وچ ڈاکٹر دے طور تے کم کریندے ریہے ۔ پر سائنس نال انہاں دی دلچسپی انہاں کوں تحقیق دے پاسے گھن ڳئی ۔ 1946 وچ او امریکہ چلے ڳئے تے راک فیلر انسٹیٹیوٹ وچ بطور محقق کم شروع کیتا ۔
سیل بائیولوجی تے تحقیق
[لکھو | ماخذ وچ تبدیلی کرو]پالڈے دی سب توں اہم تحقیق سیل بائیولوجی تے ہئی ۔ انہاں الیکٹران مائیکروسکوپی تے سیل فریکشنیشن دی تکنیکاں استعمال کر تے سیل دی بݨتر تے افعال دا مطالعہ کیتا ۔ انہاں اینڈوپلازمک ریٹیکولم دے رائبوزومز دریافت کیتے ، جیڑھے پروٹین دی تیاری وچ اہم کردار ادا کریندے ہن ۔ انہاں گولگی اپریٹس تے مائٹوکونڈریا سمیت ٻئے سیل آرگنیلز دی بݨتر تے افعال دا وی مطالعہ کیتا ۔
الیکٹران مائیکروسکوپی
[لکھو | ماخذ وچ تبدیلی کرو]پالڈے الیکٹران مائیکروسکوپی دی تکنیک کوں بہتر بݨاوݨ وچ اہم کردار ادا کیتا ۔ انہاں ایں تکنیک کوں استعمال کر تے سیل دی بݨتر دا مزید تفصیل نال مطالعہ کیتا ۔
نوبل انعام
[لکھو | ماخذ وچ تبدیلی کرو]1974 وچ جارج ایمیل پالڈے ، البرٹ کلاڈ تے کرسچن ڈی ڈوو کوں "سیل دے بݨتری تے فعالیتی تنظیم نال متعلق دریافتاں" تے فزیالوجی یا میڈیسن دا نوبل انعام ݙتا ڳیا ۔
مہاندرے سائنسدان دی حیثیت نال سنڄاݨ
[لکھو | ماخذ وچ تبدیلی کرو]جارج ایمیل پالڈے ہک عظیم سائنسدان ہن جنہاں سیل بائیولوجی دے شعبے وچ اہم کردار ادا کیتا ۔ انہاں دی تحقیق نال سیل دی بݨتر تے افعال کوں سمجھݨ وچ ٻہوں مدد ملی ہے ۔
وفات
[لکھو | ماخذ وچ تبدیلی کرو]جارج ایمیل پالڈے 7 اکتوبر 2008 کوں امریکہ وچ فوت تھئے ۔ او ایں جہان توں جھوک لݙا ڳئے ، پر انھاں دی تحقیق ہمیشاں سائنسداناں کوں روشنی ݙیندی راہسی ۔