جارجیا

جارجیا یا گرجستان یوریشیاء دا ہک ملک ہے۔ جارجیا پچاڊھے ایشیا تے اٻھے یورپ ڊے نال ہے۔ایندے پچاڊھ اچ بحیرہ اسود ، اٻھے پاسے روس ، لمے پاسے ترکی تے پواڊھے تے لمے دے پاسے دے وچوں آذربائیجان ملک نال ملیا پئے۔ اینہ ملک دا دارالحکومت تبلیسی ہے۔ جارجیا دا سارا رقبہ 69.700 مربع کلومیٹر ہے۔ایندی 2016ء دے مطابق آبادی 3.7ملین ہے۔ جارجیا اچ جمہوری نظام ہے۔ جارجیا کلاسیکی دور اچ ٻہوں ترقی کیتی تے ٻہوں ساریے علاقے ایندے شامل تھئین۔ چوتھی صدی دے شروع اچ کولچز تے عائی بریا دی سلطنتیں مسیحت کوں آپݨا کیتے نے۔ یارہویں تین باہرویں صدی اچ کنگ ڈیوڈ چہارم تے ملکہ تمر دی کٹھے شاہی قائم تھئی جہرے دور اچ جارجیا ٻہوں ترقی کیتی ہئی لیکن اوں توں بعد اتھاں کافی ساریاں شاہیاں رہ ڳئین جیندے اچ منگول ، سلطنت عثمانیہ تے ایران دے مختلف لوک شاہیاں ہن پیاں۔