جارجز کوہلر

جارجز کوہلر

(Georges Jean Franz Köhler The Inventor of Monoclonal Antibodies)

جارجز جین فرانز کوہلر ہک جرمن بائیولوجسٹ ہن ۔ انہاں سیزر مل سٹائن تے نیلز جیرنے دے نال مل تے 1984 وچ "ایمیون سسٹم تے مونوکلونل اینٹی باڈیز دی تیاری تے کم" تے فزیالوجی یا میڈیسن دا نوبل انعام حاصل کیتا ۔ مل سٹائن تے کوہلر دی مونوکلونل اینٹی باڈیز پیدا کرݨ دی تکنیک تشخیص ، علاج تے ٻہوں ساری ٻئی سائنسی ایپلی کیشنز کیتے اینٹی باڈیز دے استعمال دی بنیاد رکھی ۔

ابتدائی زندگی تے تعلیم

جارجز کوہلر 17 اپریل 1946 کوں برلن ، جرمنی وچ پیدا تھئے ۔ انہاں ابتدائی تعلیم جرمنی وچ حاصل کیتی تے بعد وچ فرائیبرگ یونیورسٹی توں بائیولوجی دی تعلیم حاصل کیتی ۔ سائنس نال انہاں دی دلچسپی اینہی دور وچ ودھݨ لڳی ۔

سائنسی سفر دا آغاز

تعلیم مکمل کرݨ توں بعد ، کوہلر کجھ عرصہ مختلف یونیورسٹیاں وچ تحقیق کریندے ریہے ۔ ول او انگلینڈ چلے ڳئے جتھاں انہاں سیزر مل سٹائن دے نال کم شروع کیتا ۔

مونوکلونل اینٹی باڈیز دی تیاری

کوہلر دی سب توں اہم تحقیق مونوکلونل اینٹی باڈیز (monoclonal antibodies) تے ہئی ۔ انہاں سیزر مل سٹائن دے نال مل تے ہک اینجھی تکنیک تیار کیتی جیندے ذریعے مونوکلونل اینٹی باڈیز پیدا کیتے ونڄ سڳدے ہن ۔ مونوکلونل اینٹی باڈیز اینجھے اینٹی باڈیز ہوندے ہن جیڑھے ہک ای ونکی دے سیلز توں پیدا تھیندے ہن تے ہک خاص اینٹیجن (antigen) کوں نشانہ بݨیندے ہن ۔ ایں تکنیک طب تے سائنس دے شعبے وچ انقلاب برپا کر ݙتا ۔

نوبل انعام

1984 وچ جارجز کوہلر ، سیزر مل سٹائن تے نیلز کاج جیرنے کوں "ایمیون سسٹم دی نشوونما تے کنٹرول وچ خاصیت دے بارے وچ نظریات تے مونوکلونل اینٹی باڈیز دی تیاری دے اصول دی دریافت" تے فزیالوجی یا میڈیسن دا نوبل انعام ݙتا ڳیا ۔

مہاندرے سائنسدان دی حیثیت نال سنڄاݨ

جارجز کوہلر ہک عظیم سائنسدان ہن جنہاں بائیولوجی دے شعبے وچ اہم کردار ادا کیتا ۔ انہاں دی تحقیق نال مونوکلونل اینٹی باڈیز دی تیاری ممکن تھئی ، جنہاں دا استعمال طب ، تشخیص ، تے علاج وچ ٻہوں مفید ہے ۔

وفات

جارجز کوہلر 1 مارچ 1995 کوں جرمنی وچ فوت تھئے ۔ او ایں جہان توں جھوک لݙا ڳئے ، پر انھاں دی تحقیق ہمیشاں سائنسداناں کوں روشنی ݙیندی راہسی ۔