ثنا امانت

ثنا امانت
معلومات شخصیت
پیدائش	22 جون 1982ء (43 سال)  نیو جرسی
شہریت	ریاستہائے متحدہ امریکا
عملی زندگی
مادر علمی	برنارڈ کالج
پیشہ	کامکس مصنف ،  مدیرہ ،  ایگزیکٹو پروڈیوسر
	IMDB پر صفحہ

ثنا امانت ہک امریکی کامک کتاب دی ایڈیٹر ہن۔ اُن٘ہاں دے قابل ذکر کم وِچ الٹیمیٹ کامکس: اسپائڈر مین تے کیپٹن مارول شامل ہن۔ اُن٘ہاں نے مارول کامکس دی پہلی سولو سیریز تیار کیتی جیڑھی ہک مسلم زنانی سپر ہیرو کوں ݙکھیندی ہئی۔

ابتدائی حیاتی

ثنا امانت ہک پاکستانی خاندان وِچ پیدا تھئیاں۔ اوہ اپݨے والدین تے 3 بھائیواں دے نال نیو جرسی دے مضافاتی علاقے وِچ رہیاں، جیڑھے پاکستانی تارکین وطن ہَن۔ آپݨے پورے بچپن وِچ، ثنا کوں معاشرے وِچ شامل تھیوݨ وِچ دشواری دا سامݨا کرݨا پیا تے اوہ آپݨی شناخت کِیتے جدوجہد کریندی رہیاں۔

ثنا امانت نے 2004ء وِچ کولمبیا یونیورسٹی دے برنارڈ کالج وِچ مشرق وسطیٰ تے خصوصی توجہ دے نال سیاسیات دی تعلیم حاصل کیتی۔

پیشہ ورانہ حیاتی

کالج مکمل کرݨ دے بعد ثنا نے ہک اشاعتی میگزین وِچ کجھ سال کم کیتا۔ اِیں دے بعد اُن٘ہاں نے کامک کتاب کمپنی ورجین کامکس وِچ کم کیتا۔ اِیں کمپنی وِچ اُن٘ہاں کوں گرافک قصہ بیان کرݨ دے بارے وِچ معلومات حاصل تھئیاں، ݙو سال بعد اِیہ کمپنی ختم تھی ڳئی۔

2009ء وِچ ثنا نے مارول کامکس وِچ شمولیت اختیار کر گھِدی۔ مارول دے ہک ایگزیکٹو نے ثنا نال ڳالھ مہاڑ کیتی تے اُن٘ہاں دے منفرد ہووݨ دا اعتراف کِیتا تے آکھیا جو اُن٘ہاں دے کول کجھ خاص ہئی تے اوہ عام پرستار توں مختلف ہن، اُن٘ہاں دی آواز الڳ ہئی تے مارول کوں اِیہ آواز چاہیدی ہئی تاکہ اوہ مارول کوں بدل سڳن۔

2014ء وِچ اُن٘ہاں نے مارول دی پہلی سولو سیریز تیار کیتی جیڑھی مس مارول دے ناں نال ہک مسلم زنانی سپر ہیرو دی کہانی ݙسدی ہئی۔ اِیہ کامک کئی ہفتے نیویارک دی بیسٹ سیلر فہرست وِچ رہی تے 2015ء وِچ ہوگو ایوارڈ برائے بہترین گرافک کہانی وی جتیا۔ مس مارول ڈیجیٹل فارمیٹ وِچ ٻہوں وِکھری تے کئی واری مارول دی ڈیجیٹل سیل وِچ سرفہرست رہی۔

باعث تحریک

آپݨی ٹیڈ ٹاک وِچ، امانت نے ݙسایا جو "مس مارول دے پِچھے وݙا خیال اقلیت دی نمائندگی دے بارے وِچ ٻہوں زیادہ ہئی، وݙا خیال آپݨی اصلی خودی کوں ڳولݨ دے بارے وِچ ہئی"۔ کامک تخلیق کریندے ہوئے، اُن٘ہاں نے آپݨے تجربے تے زور ݙِتّا جو نیو جرسی دے مضافاتی علاقے وِچ پاکستانی تارکین وطن دے ٻال کِیتے اِیہ امید ہئی جو آن٘دیاں نسلاں کوں شناخت دے مسترد تھیوݨ دا تجربہ نی ہوسی جیویں جو اُن٘ہاں کوں تھیا، جیندے کِیتے ہک متعلقہ سپر ہیرو مددگار ثابت تھیسی۔