ثنا اعجاز

ثنا اعجاز
ثنا اعجاز
معلومات شخصیت
قومیت	پاکستان
رکنیت	تحریک تحفظ پشتون
عملی حیاتی
مادر علمی	پلایماؤت اسٹیٹ یونیورسٹی
پیشہ	سیاسی کارکن، صحافی
پیشہ ورانہ زبان	پشتو ،  اردو ،  انگریزی
مہان٘درا کَم	پشتون تحفظ تحریک دی سرگرم رکن
تحریک	تحریک تحفظ پشتون

ثنا اعجاز خیبر پختونخوا، پاکستان نال تعلق رکھݨ والی صحافی تے انسانی حقوق دی کارکن ہن۔ اوہ پشتون تحفظ تحریک (پی ٹی ایم) دے اڳواݨاں وچوں ہک ہن۔اوہ امن دی تعمیر، مفاہمت تے سماجی سرگرمیاں وچ خواتین دے کردار کوں فروغ ݙیوݨ کِیتے وکالت تے توجہ ݙیندی ہن۔ اوہ واک موومنٹ دی بانی رکن وی ہن، جیندے دا مقصد پشتون خواتین وچ سیاسی شعور اجاگر کرݨ ہے۔ اوہ پہلے عوامی نیشنل پارٹی (اے این پی) دے یوتھ ونگ دی نائب صدر ہَن۔

تعلیم

ثنا اعجاز پشاور وچ پیدا تھئیں ہَن۔ انھاں دی والدہ، شاہدہ بیگم، سماجی کارکن ہَن۔ والد پی ٹی وی وچ ملازم ہَن۔ کالج جانے دے بعد ثنا نے باچا خان ٹرسٹ ایجوکیشن فاؤنڈیشن وچ شمولیت اختیار کیتی۔ ایندے دے نال نال انھاں نے جرنلزم وچ ماسٹرز وی کیتا۔ باچا خان یونیورسٹی وچ نوکری کیتی، لکھݨا شروع کیتا۔ 2013ء وچ عوامی نیشنل پارٹی وچ شامل تھی ڳئیں۔ پاک چین راہداری منصوبے وچ پشتوناں دے حق کِیتے ڳالھ کیتی، گرفتار وی تھئیں۔ محسود تحفظ موومنٹ دی حامی ہووݨ دی وجہ توں عوامی نیشنل پارٹی تے پی ٹی وی ݙوہاں نے کڈھ ݙتا۔

کَم کار آلی حیاتی اَتے سرگرمی

ثنا نے ڈھائی سال تک پاکستان دی سرکاری ٹیلی ویژن کارپوریشن (پی ٹی وی) وچ اینکر تے میزبان دی حیثیت نال کم کیتا۔ تاہم، پی ٹی ایم وچ سرگرمی دی وجہ توں 9 مئی 2018ء کوں انھاں کوں ملازمت توں برطرف کر ݙتا ڳیا ہئی۔ 2018ء دے آخر وچ، اوہ شرکت گاہ نامی ہک غیر سرکاری وکالت تنظیم وچ وی اپݨی ملازمت توں ہتھ دھو بیٹھی۔ پی ٹی ایم نال وابستگی دے بارے وچ، انھاں نے آکھا: "میں انصاف، آئینی حقوق تے قیام امن دے پرامن مطالبے دی حمایت کر تے کجھ غلط نی کریندی پئی ہاں۔ میں پچھوں نہ ہٹساں۔" 9 فروری 2020ء کوں، پی ٹی ایم دے ارمان لونی دی پہلی برسی دے موقع تے، لورالائی، بلوچستان وچ عوامی اجتماع توں پہلے، سیکیورٹی فورسز نے ثنا اعجاز، وڑانگہ لونی، ارفع صدیق تے ٻیاں خواتین پی ٹی ایم کارکناں کوں اس وقت گرفتار کر گھدا جݙݨ جو اوہ اجتماع وچ ویندی پئی ہَن۔ تاہم، جݙݨ سماجی کارکناں نے پولیس اسٹیشن دے ٻاہر جمع تھی تے انھاں دے خلاف احتجاج کیتا تاں انھاں کوں رہا کر ݙتا ڳیا۔