ثقافت دے بنیادی عناصر

ثقافت یا کلچر بنیادی طور تے کہیں خاص خطے تے وسیب اچ آباد لوکیں دے طرز حیات ، مذہبی روایات، تہذیبی اقدار ، رنگ نسل، زبان تے لباس دی مجموعی خصوصیات دا ناں اے۔ ذرائع مواصلات ، معاشی وسائل اتےتعلیمی ادارے ثقافت دی توسیع تے ترقی اچ کلیدی کردار ادا کریندن ۔ ایہاوجہ اے جو انھاں ذرائع دی تبدیلی تے ترقی د ے نال لوکیں دی زندگی دا انداز بدل ویندے اتے ثقافت وی نواں رنگ اختیار کریندی اے۔

رالف لنٹن اپݨی کتاب ‘‘ مطالعہ انسان ’’ اِچ ثقا فت دی ساخت دا نتارا کریندیں ہوئیں ایندے ترائے حصے ڈسائن۔

I.   آفاقی:  ہرشخص کوں انھاں دی برابر ضرورت ہوندی اے جیویں خوراک لباس ، زبان ، سلام و آداب دے طریقے ، مذہبی سیاسی تے اقتصادی خیالات وغیرہ ۔

II.   اختصاصیات (مخصوص مہارتاں ۔ فنی علوم): ہرمعاشرے اچ کمیں دی تقسیم  ہوندی اے کجھ کم صرف مردیں واسطے ہوندن تےکجھ عورتیں کیتے ۔ بعض علاقئیں اچ لوکیں دی گزر اوقات زراعت تیں ہوندی اأ تے بعض دی ݙنگر پالݨ تیں ۔ شہریں اچ صنعتی تے کاروباری معاشرہ ہوندے جیندی وجہ توں شہراں تے دیہاتاں دی ثقافت کافی مختلف ہوندی اے ، ایندے علاوہ ہک وسیب اچ مختلف مہارتاں رکھݨ آلیں لوکیں دا نقطہ نظر وی مختلف تھی

III.   سگدے۔ اتے معاشر ے دی ترقی دا باعث بݨدن۔ مثلا ہک ڈاکڑ ڈوجھا انجینئر ،ہک جج ڈوجھا وکیل ، ہک معلم ڈوجھا صحافی ، ہک صنعت کار ڈوجھا مزدور ، ہک ادیب ڈوجھا فنکار وغیرہ۔

IV.        متبادلاتہر معاشرے اچ کجھ جد ت پسند لوک ہوندن جیڑھے کہیں طبقے تے پیشے وچوں تھی سگدن ۔ اے اپݨے اپݨے شعبے اچ نویں نویں کم کریندن۔چنانچہ لنٹن دے نظریہ ثقافت دی بنیاد او اساسی اصول ، علوم تے مہارتاں ہن ۔ جنھاں نال معاشرہ استحکام حاصل کریندے ۔ معاشرتی ادارے مضبوط تھیندن ، ثفافت کوں ترقی ملدی اے۔ لوکیں دا سماجی معیار اُچا تھیندے۔ جیندے نال سیاسی تے اقتصادی ادارے مستحکم تھیندن تے قوم ترقی کریندی اے۔’’ (32)

        موجودہ تحقیق دے مطابق مذہب ، تاریخ ، جِغرافیہ ، زبان تے لباس ثقافت دے بنیادی عناصر تے اجزائے ترکیبی شمار تھیندن۔

حوالہ

سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور )  نگران مقالہ ڈاکٹر مقبول حسن گیلانی