ثانیہ خان

ثانیہ اقبال خان (ڄمّݨ: 23 مارچ 1985ء) ملتان دی ہِک زنانی پاکستانی کرکٹ کھݙارہِے۔ اُوہ سَڄّے ہَتھ دی بَلّے باز اَتے سَجّے ہَتھ دی میڈیم پیس دَھپّی باز ہِن۔ اُوہ بین الاقوامی سطح دے نال نال علاقائی سطح تے کرکٹ کھیݙدی ہَن۔  اُنّھاں نے 2009ء دے تریمت کرکٹ ورلڈ کپ وِچ وی ݙُو میچ کھیݙے ہَن۔  

کَم کار دی حیاتی

اُوہ پائینر اسکواڈ جَتّھے دی رُکن ہَن جہڑا 2003ء کنوں ہُݨ تئیں پاکستان کرکٹ بورڈ تریمت پاسے دے تحت کرکٹ کھیݙدی پئی ہے۔ اُوہ ہُݨ تئیں 42 بین الاقوامی میچاں وِچ کھیݙی، جِنّھاں وِچ تَلّے ݙِتّے ڳئے ٹورنامنٹ / سیریز رلّے ہوئے ہِن:

• ون ڈے ورلڈ کپ 2009ء
• ورلڈ کپ کوالیفائنگ راؤنڈ 2010ء
• ٹی 20 ورلڈ کپ 2010ء ، 2014ء
• ایشیائی کھیل 2010ء ، 2014ء
• آئی سی سی چیمپیئن شپ 2014ء ، 2015ء ، 2016ء

اُوہ صوبہ پنجاب دے شہر ملتان وِچ ڄَمّی ہَئی۔ اُون٘دا تعلق بلوچ ٹَٻّر نال ہے جہڑے آپݨے گھاٹے روایتاں اَتے بہادری دے پاروں مہان٘درے ہِن۔

تعلیم

2019ء کوں اُون٘دی گرینڈ کیمین آئی لینڈ وِچ تریمت اَتے چھوہریں دی کرکٹ کِیتے سینئر ڈویلپمنٹ آفیسر دے عہدے تے تقرری تھئی۔ ترقیاتی کَمّاں دے نال نال اُوں نے کوچنگ دا تجربہ وی حاصل کِیتا، 5 کنوں 50 ورھیں تئیں دے لوکاں کِیتے فٹنس پروگرام مرتب کِیتا۔ 3 سال بعد گرینڈ کیمین جزیرے وِچ کرکٹ دا وَلا اَغاز تِھیا۔ اُوں نے تریمتیں اَتے چھوہریں کِیتے آئی سی سی اے ماں اتے دِھی دا کرکٹ پروگرام، سکول کرکٹ اَتے اکیڈمی کرکٹ چلایا۔ 7 مہینے بعد اُوں نے استعفیٰ ݙے ݙِتّا کیوں جو اُوہ لیول 2 کوچنگ کورس اُتے بھال پاوݨاں چاہن٘دی ہَئی۔

کرکٹ آفیشل دے طور تے اچیومنٹ

اُوں نے پنجاب یونیورسٹی کنوں فزیکل ایجوکیشن وِچ ماسٹرز کِیتا ہِے۔ اُوہ درجہ اوّل دی کرکٹ کوچ ہِے۔ اُوہ پی سی بی دی طرفوں درجہ اوّل دی فٹنس ٹرینر ہِے۔

ٻِیا ݙیکھو

• تریمتیں دی کرکٹ پاکستانی قومی تریمت کرکٹ جَتّھا تریمتیں ہِک ݙیہاڑہ بین الاقوامی پاکستان تریمتیں ہِک ݙیہاڑہ کرکٹ کِھݙار تن٘دِیر