ثاقب غوری
اصل ناں محمد عمران
قلمی ناں ثاقبؔ غوری
جٖمنْ 1969ء
تعلیم حافظ قرآن مع تجوید و قرأت
پیشہ دکانداری
فون نمبر 0300 6836307
جاہ پتہ سٹیڈیم روڈ بالمقابل گرلز انٹر کالج لودھراں
غزل
[لکھو | ماخذ وچ تبدیلی کرو]ظلم دے راہیں دیوچ دیوار بنْ تے آ گٖیاں
ظالماں دے کانْ میں تلوار بنْ تے آ گٖیاں
ہے اتھاں زردار ہر فرعون دا چھوٹا بھراء
میں وی موسٰی پاک دی گفتار بنْ تے آ گٖیاں
بھا دے چخے تیز کر ڈٖیؤ رب سڈٖاونْ والیو!
میں خلیلی حوصلے دی تار بنْ تے آ گٖیاں
اوندی قدرت دا کرشمہ اشرف المخلوق ہاں
پھینگ گندے پانْی دی شہکار بنْ تے آ گٖیاں
ٹپ گٖیاں دڑکے دبٖاکے دی میں ثاقبؔ حد کنوں
ظالمو مظلوم دی للکار بنْ تے آ گٖیاں