تیݙے کھوہ تے آئیاں

تیݙے کھوہ تے آئیاں ، ہک سرائیکی لوک گیت ہے۔

تیݙے کھوہ تے آئیاں، گابے پلا ݙے

سُخناں دا کُوڑا، ساݙے چھلے ولا ݙے

تیݙے کھوہ تے آئیاں، ساوا تماخُوں

اساں جگ لُٹیرے تساں لُٹیا ساکوں

تیݙے کھوہ تے آئیاں، ساکوں لڳی ڳادھی

اندر ٻیہ تے روواں، لکھی ہر توں ݙاڈھی

تیݙے کھوہ تے آئیاں، ساکوں ݙے پتیلا

جندڑی نماݨی، رنگ ساوا پیلا

تیݙے کھوہ تے آئیاں، سڄݨاں دی جھوکے

ہِک ماء پیو ݙاڈھا، ݙوجھا ظالم لوکے

تیݙے کھوہ تے آئیاں، ساوے کریلے

جھوکاں لݙائی، دِل لڳدے ویلے