تیزیال راجپوت

تیزیال راجپوت، راجا مل دے پتر، راجا کھکھ دی نسل وچوں ہن۔ راجا مل توں راجا تیز خان (مورثِ اعلٰی تیزیال گوت) تک دا شجرہ کجھ ایں طرح توں ہے: راجا مل ← راجا کھکھ ← راجا منگی خان ← راجا شیر علی خان ← راجا پنجو خان ← راجا فیروز خان ← راجاتیج یا تیز خان۔

تیز خان کھکھہ دی اولاد جیہڑی زیادہ تر تحصیل دہیرکوٹ ضلع باغ آزاد کشمیر وچ آباد ہے انہاں کوں تیزیال آکھیا ویندا ہے اتے اتھاں آباد کاسبی برادری خود کوں جنجوعہ لکھدی ہے اتے کمھار برادری خود کوں دانیال اصل وچ کھکھہ راجپوت (بشمول تیز خان کھکھہ دی اولاد تیزیال) راجا مل خان دی اولاد ہن نہ کہ جنجوعہ برادری نال انہاں دا کوئی تعلق ہئی۔ کھکھہ راجپوت ضلع جہلم پنجاب توں ہجرت کر کے آزاد کشمیر وچ آئے اتے اتھاں انہاں دیاں اولاداں ضلع باغ اتے ضلع مظفرآباد وچ آباد تھیاں ول راجا کھکھہ خان نے عمر دے آخری ایام تبت وچ گزارے اتے اتھائیں دفن تھئے۔